मंगळवार, 12 ऑगस्ट 2025
  1. मराठी बातम्या
  2. महाराष्ट्र न्यूज
  3. महाराष्ट्र माझा
Written By
Last Updated : शुक्रवार, 2 फेब्रुवारी 2024 (11:42 IST)

मुंबईतील 6 ठिकाणी बॉम्बस्फोटाची धमकी

Mumbai Traffic Police Control Room
मुंबई वाहतूक पोलिस नियंत्रण कक्षाला बॉम्बने शहर उडवून देण्याची धमकी मिळाली आहे. बॉम्बची धमकी मिळाल्याने शहरात खळबळ उडाली आहे. कंट्रोल रूपने तत्काळ मुंबई पोलिसांना याची माहिती दिली.  यानंतर मुंबई पोलिसांनी मेसेज पाठवणाऱ्या व्यक्तीचा शोध सुरू केला. धमकी देणाऱ्या व्यक्तीने आपल्या संदेशात म्हटले आहे की, मुंबई शहरात सहा ठिकाणी बॉम्ब ठेवण्यात आले आहेत. मुंबई वाहतूक पोलिसांनी दिलेल्या माहितीनुसार, त्या व्यक्तीने हेल्पलाइन क्रमांकाच्या व्हॉट्सॲप क्रमांकावर हा धमकीचा संदेश पाठवला आहे मेसेजमध्ये आरोपीने शहरातील सहा भागात बॉम्बस्फोट घडवून आणण्याची धमकी दिली आहे 

वाहतूक पोलिसांनी यासंदर्भात मुंबई पोलिस आणि गुन्हे शाखा एटीएसलाही कळवले आहे.संदर्भात माहिती मिळताच गुन्हे शाखा आणि पोलिसांच्या पथकाने काही संशयास्पद ठिकाणांची झडती घेतली, मात्र अद्याप यासंदर्भात कोणतीही माहिती मिळालेली नाही. संदेश पाठवणाऱ्या व्यक्तीचा शोध घेण्याचे प्रयत्न सुरू आहेत. 
शहरात बॉम्बने उडवण्याची धमकी देणारा फोन किंवा मेसेज येण्याची ही पहिलीच वेळ नाही. खरे तर याआधीही मुंबई पोलीस आणि नियंत्रण कक्षाला अशाच प्रकारचे धमकीचे संदेश अनेकदा देण्यात आले आहेत.  
 
Edited by - Priya Dixit