संबंधित माहिती
- महाराष्ट्र विधानसभा निवडणुकीसंदर्भात काँग्रेसची महत्वपूर्ण बैठक
- मुबंईत 14 ऑक्टोबरलाही पाऊस आणि मेघगर्जनेसह वादळाची शक्यता
- बाबा सिद्दीकी हत्या प्रकरण: सलमान खानच्या घरी वाढवली सुरक्षा, सपा नेत्याने केले मोठे वक्तव्य
- एअर इंडियाच्या विमानात बॉम्बची धमकी, मुंबईहून न्यूयॉर्कला जाणारे विमान दिल्लीकडे वळवले
- हल्लेखोरांनी सोबत पेपर स्प्रे आणला होता, बाबा सिद्दीकी यांच्या हत्येप्रकरणी मोठा खुलासा
मुंबई हावडा मेल रेल्वेमध्ये बॉम्बची धमकी, सुरक्षा यंत्रणा अलर्ट
आज पहाटे मुंबई-हावडा मेल ही रेल्वे जळगाव येथे थांबवून शोधमोहीम राबवण्यात आली. तसेच तपासाअंती सुरक्षा कर्मचाऱ्यांना काहीही संशयास्पद आढळले नाही.
मिळालेल्या माहितीनुसार मुंबई-हावडा मेल रेल्वेला बॉम्बची धमकी मिळाली आहे. त्यानंतर संपूर्ण रेल्वेमध्ये सर्च ऑपरेशन करण्यात आले. तसेच सोशल मीडिया प्लॅटफॉर्म X वर बॉम्बची धमकी देण्यात आली होती. तर टायमरद्वारे स्फोटाची धमकी देण्यात आली होती. तसेच, धमकी मिळताच तपास यंत्रणा सतर्क झाल्या आणि रेल्वेची शोध मोहीम हाती घेण्यात आली.
रेल्वेने जारी केलेल्या निवेदनात असे सांगितले आहे की, आज पहाटे कंट्रोल रूमला ट्रेन क्रमांक 12809 मध्ये बॉम्ब असल्याची माहिती मिळाली होती. तसेच तातडीने जळगाव स्थानकावर गाडी थांबवून तपासणी करण्यात आली. त्यात कोणतीही संशयास्पद वस्तू आढळून आली नाही. यानंतर ट्रेन सुरळीतपणे इच्छित स्थळी रवाना करण्यात आली.
तसेच धमकीच्या पोस्टनंतर आज पहाटे जळगावात मुंबई हावडा-मेल थांबवून शोध घेण्यात आली. सुमारे दोन तासांच्या तपासानंतरही सुरक्षा कर्मचाऱ्यांना काहीही संशयास्पद आढळले नाही. अशा परिस्थितीत बॉम्ब सापडण्याची धमकी निव्वळ अफवा असल्याचे सिद्ध झाले आहे.
Edited By- Dhanashri Naik
