संबंधित माहिती
- राज्यात समान नागरी कायदा लागू व्हावा, यासाठी योग्य वेळी विचार करु
- पंतप्रधान मोदी महाराष्ट्र दौऱ्यावर येणार, दोन मोठ्या प्रकल्पांचे होणार उद्धाटन
- मुंबई -पुणे एक्स्प्रेस वेवर 24 तास सुरक्षा पथके तैनात राहणार
- दुर्दैवी घटना : रस्त्यात कुत्रा आडवा आला, अपघातामध्ये चिमुकली दगावली
- काय म्हणता, 17 डुकरे चोरीला गेल्याची तक्रार दाखल, पोलिसांकडून गुन्हा दाखल
माजी मंत्री सुरेश जैन यांना जामीन मंजूर; जळगाव घरकूल घोटाळ्याप्रकरणी सध्या आहेत तुरुंगात
राज्यातील बहुचर्चित घरकुल घोटाळ्यात वैद्यकीय कारणास्तव अंतरीम जामिनावर असलेले माजी मंत्री सुरेश जैन यांना आज मुंबई खंडपीठाने नियमित जामीन मंजूर केला आहे. राज्यातील बहुचर्चित घरकुल प्रकरणी माजी मंत्री सुरेश जैन यांच्यासह अनेक दिग्गज मंत्री, आमदार, नगरसेवक यांना ऑगस्ट २०१८ महिन्याच्या अखेरीस धुळे जिल्हा न्यायालयाने शिक्षा आणि दंड ठोठावला होता.
यानंतर बहुतांश संशयितांची नाशिक कारागृहात रवानगी करण्यात आली होती. यातील काही अपवाद वगळता इतरांना जामीन मंजूर करण्यात आला होता. तर दुसरीकडे माजी सुरेशदादा जैन यांना अनेक प्रयत्नानंतर २०१९ मध्ये प्रकृतीच्या कारणास्तव जैन यांना अंतरिम जामीन मंजूर करण्यात आला होता. दरम्यान, गुरुवार दि.२९ नोव्हेंबर रोजी सुरेश जैन यांना मुंबई खंडपीठाने जामीन मंजूर केला असल्याचे वृत्त समोर आले आहे. जैन यांच्या निकटवर्तीयांनी वृत्ताला दुजोरा दिला असून अटी, शर्थी सायंकाळी कळणार असल्याचे कळते. जैन यांच्या निकटवर्तीयांनी वृत्ताला माध्यमांशी बोलतांना दुजोरा दिला आहे.
Edited by: Ratnadeep Ranshoor
