IND vs ENG Test: भारतीय खेळाडू 20 जानेवारी रोजी हैदराबादमध्ये
भारतीय संघाचे मुख्य प्रशिक्षक राहुल द्रविड यांनी बुधवारी सांगितले की, टीम इंडियाचे खेळाडू 20 जानेवारीपासून इंग्लंडविरुद्धच्या कसोटी मालिकेसाठी तयारीला लागतील. आगामी पाच सामन्यांच्या कसोटी मालिकेसाठी प्रशिक्षण शिबिर 20 जानेवारीपासून हैदराबादमध्ये सुरू होणार असल्याची पुष्टी प्रशिक्षकाने केली आहे. भारताने तिसऱ्या टी-20 सामन्यात अफगाणिस्तानचा पराभव करत तीन सामन्यांच्या टी-20 मालिकेत क्लीन स्वीप केला.
टी-20 संघातील खेळाडूंना दोन दिवसांचा ब्रेक मिळाला असून, त्यानंतर ते हैदराबादमधील भारतीय शिबिरात सहभागी होतील. कर्णधार रोहित शर्मा, विराट कोहली, यशस्वी जैस्वाल, शुभमन गिल, कुलदीप यादव, अक्षर पटेल, मुकेश कुमार आणि आवेश खान हे खेळाडू ब्रेकमधून परतल्यानंतर संघात सामील होणार आहेत.
25 जानेवारीपासून पाच सामन्यांच्या कसोटी मालिकेला सुरुवात होणार आहे. 2018 नंतर प्रथमच भारतीय संघ पाच सामन्यांची कसोटी मालिका खेळणार आहे. याआधी संघाने एवढी मोठी मालिका फक्त इंग्लंडविरुद्ध खेळली होती.
प्रशिक्षक द्रविड म्हणाले, मी 20 तारखेला सर्वांसोबत परत येण्यास तयार आहे. तयारीसाठी काही दिवस आहेत आणि पुढील काही महिने क्रिकेट खेळण्याची आशा आहे.
Edited By- Priya Dixit
