नाशिकच्या त्र्यंबकेश्वर ज्योतिर्लिंग मंदिरात लवकरच 'महाप्रसाद योजना' सुरू होणार; भाविकांची मागणी पूर्ण

त्र्यंबकेश्वर ज्योतिर्लिंग मंदिरात लवकरच 'महाप्रसाद योजना' सुरू होणार आहे. २० रुपयांच्या बुंदी लाडूऐवजी आता 'मुटकुळेचा लाडू' ( चुरमा लाडू) दिला जाईल, ज्यासाठी ट्रस्टने निविदा काढली आहे. अशी माहिती समोर आली आहे. 

मिळालेल्या माहितीनुसार  श्री त्र्यंबकेश्वर देवस्थान ट्रस्टतर्फे मंदिर परिसरात 'महाप्रसाद योजना' सुरू केली जाणार आहे. यामुळे, भाविकांना आता प्रसाद म्हणून पारंपरिक 'मुटकुळेचा लाडू' (सोळा सोमवारचा विशेष नैवेद्य) मिळेल. मंदिरात पूर्वी २० रुपयांना मिळणारा बुंदी लाडू आता बंद करून त्याच्या जागी हा नवीन प्रसाद दिला जाईल.

ही महाप्रसाद योजना श्री त्र्यंबकेश्वर देवस्थान ट्रस्टच्या नव्याने बांधलेल्या 'शिवप्रसाद' इमारतीत सुरू केली जाईल. देशातील जवळपास सर्व प्रमुख धार्मिक स्थळांवर भाविकांसाठी महाप्रसाद उपलब्ध आहे, परंतु त्र्यंबकेश्वरमध्ये ही सुविधा उपलब्ध नव्हती.

भाविकांची मागणी पूर्ण

या संदर्भात, भाविक बऱ्याच काळापासून येथे महाप्रसाद सुरू करण्याची मागणी करत होते. ही जनभावना आणि मागणी वेळोवेळी समोर आणली गेली आणि आता अखेरीस ती पूर्ण झाली आहे.  

Edited By- Dhanashri Naik