महाराष्ट्रात 10वी बोर्डाची परीक्षा आज (15 मार्च)पासून सुरू होत आहे, या गोष्टींची घ्या विशेष काळजी
MSBSHSE SSC Exam 2022: महाराष्ट्र SSC (वर्ग 10) बोर्डाची परीक्षा 15 मार्चपासून सुरू होत आहे. राज्य माध्यमिक आणि उच्च माध्यमिक शिक्षण मंडळाने (MSBSHSE) जारी केलेल्या अधिसूचनेनुसार, महाराष्ट्र SSC बोर्डाची परीक्षा 15 मार्चपासून सुरू होत आहे. परीक्षा ऑफलाइन पद्धतीने होईल.
कोरोना अजूनही नियंत्रणात असला तरी खबरदारी म्हणून परीक्षेदरम्यान कोरोनाचे नियम पाळणे आवश्यक असणार आहे. विद्यार्थ्यांना बोर्डाच्या अधिकृत वेबसाइटवरून आवश्यक माहिती मिळू शकते.
परीक्षेचे वेळापत्रक?
महाराष्ट्रातील 10वी बोर्डाच्या परीक्षेला यंदा 16 लाखांहून अधिक विद्यार्थी बसणार आहेत. ही परीक्षा १५ मार्चपासून सुरू होणार असून ४ एप्रिलपर्यंत चालणार आहे. बहुतांश विषयांची परीक्षा दोन शिफ्टमध्ये होणार आहे. पहिल्या टप्प्यात सकाळी 10.30 ते 2 या वेळेत, तर दुसऱ्या टप्प्यात दुपारी 3 ते 5.15 या वेळेत परीक्षा होणार आहे.
कोरोनामुळे परीक्षा केंद्रांची संख्या वाढवण्यात आली आहे.
परीक्षा केंद्रात प्रवेश करण्यापूर्वी विद्यार्थ्यांची थर्मल स्क्रीनिंग केली जाईल.
परीक्षेसाठी महाराष्ट्र एसएससी हॉल तिकीट डाउनलोड करावे लागेल आणि ते परीक्षा केंद्रावर घेऊन जावे लागेल आणि ते सुरक्षित ठेवावे लागेल.
सर्व विद्यार्थ्यांना परीक्षेच्या वेळेच्या किमान 30 मिनिटे आधी पोहोचण्याचा सल्ला देण्यात आला आहे.
परीक्षा हॉलमध्ये मोबाईल फोन, टॅबलेट इत्यादी इलेक्ट्रॉनिक गॅझेट घेऊन जाण्यास मनाई आहे.
