उपराजधानीत युवकाचा हात पाय बांधून खून नागपूर हादरले

ही हत्या काल (8 ऑगस्ट) रात्री झाली आहे असे पोलिसांनी प्राथमिक अंदाज वर्तवला आहे. यातील भयानक गोष्ट म्हणजे मृत युवकाचे हात पाय बांधून गळा कापण्यात आला आहे. या धक्कादायक हत्येमुळे परिसरात भीतीच वातावरण पसरले आहे. हत्या कुणी केली? का केली? याचा शोध अजनी पोलीस घेत आहेत.

मागील काही दिवस नागपूरमधील गुन्ह्यांत भयानक वाढ होत आहे. मागील महिन्यात नागपूरमध्ये एका मॉडलची निर्घुण हत्या करण्यात आली होती. ही हत्या तिच्या प्रियकराने केली असल्याचे समोर आलं होतं. प्रेयसीचे दुसऱ्या मुलासोबत प्रेम प्रकरण असल्याच्या संशयावरुन प्रियकराने तिचा खून केला होता. मुख्यमंत्री देवेंद्र फडणवीस यांचा जिल्हा असल्याने या हत्या आणि इतर बेकायदा कामे रोखण्याचे पोलिसांपुढे मोठे आवाहन आहे.