संबंधित माहिती
- नितेश राणे : संतोष परब हल्ला प्रकरणी 18 फेब्रुवारीपर्यंत कोठडी, नेमकं प्रकरण काय आहे?
- राज्यात कोरोनाची लाट लवकरच ओसरणार, आरोग्य मंत्र्यांची माहिती
- शिवसेनेच्या पदाधिकाऱ्याची गोळ्या घालून हत्या
- कीर्तनकार बंडातात्या कराडकरांविरोधात गुन्हा दाखल अटक करण्यात आली
- महाराष्ट्र राज्य विकास कर्ज २०२७ अंतर्गत १००० कोटी रुपयांच्या रोख्यांची विक्री
नितेश राणेंचा जामिनासाठीचा अर्ज मोकळा, उद्या पुन्हा सुनावणी
संतोष परब हल्ला प्रकरणात कणकवली न्यायालयाने नितेश राणे यांना १८ फेब्रुवारीपर्यंत न्यायालयीन कोठडी सुनावण्यात आली आहे. त्यामुळे आता त्यांचा जामिनासाठीचा अर्ज मोकळा झाला आहे. त्यामुळे नितेश राणे यांचा जामिन अर्ज आम्ही न्यायालयात दाखल केला असल्याची माहिती राणेंचे वकील सतिश मानेशिंदे आणि संग्राम देसाई यांनी दिली होती. या जामीन अर्जावर उद्या सुनावणी होणार आहे.
कणकवली न्यायालयाने नितेश राणेंना न्यायालयीन कोठडी सुनावताच लगेचच सत्र न्यायालयात जामिनासाठीचा अर्ज दाखल करणार असल्याची माहिती राणेंचे वकील सतिश मानेशिंदे आणि संग्राम देसाई यांनी दिली होती. या अर्जावर आता उद्या म्हणजे ५ फेब्रुवारी रोजी सुनावणी होणार असल्याचं अॅड. संग्राम देसाई यांनी म्हटलं आहे.
नितेश राणेंची तब्येत आधीपासूनच बरी नव्हती. पण ठरल्याप्रमाणे, न्यायालयाच्या आदेशामुळे ते पोलीस कोठडीत गेले होते. पण आता नियमित तपासणी होईल, त्यात डॉक्टरांना जे आढळून येईल, त्यानुसार पुढची कार्यवाही होईल. आम्ही फक्त न्यायालयात नमूद केलं आहे की त्यांची नियमित वैद्यकीय तपासणी करून घ्यावी आणि डॉक्टरांना उपचाराची गरज वाटली तर उपचार केले जातील. नाही वाटलं तर काही हरकत नाही. न्यायालयाला माहिती द्यायचं आमचं काम होतं, ते आम्ही केलं.
