संबंधित माहिती
- राज ठाकरे वैफल्यग्रस्त, त्यांना हवं तसं घडलं नाही; 'राज'पत्राला शिवसेनेचं उत्तर
- राज ठाकरेंच्या घरी जाऊन... उत्तर भारतीयांचा राज ठाकरेंना थेट मुंबईतून विरोध
- राज ठाकरेंनी लिहिलेल्या पत्रावर अनिल परब म्हणाले.....
- संघर्ष सुरू होता तेव्हा..."; अयोध्या दौऱ्यावरुन आदित्य ठाकरेंचा राज यांना टोला
- भोंग्यांवरुन राज ठाकरे यांचे मुख्यमंत्री उद्धव ठाकरेंना अतिशय खरमरीत पत्र
राज ठाकरे यांना अयोध्येला जाऊ द्या, विरोध करु नका- देवेंद्र फडणवीस
मनसे अध्यक्ष राज ठाकरे यांच्या अयोध्या दौऱ्याला भाजप खासदार बृजभूषण यांनी जोरदार विरोध केला आहे. बृजभूषण यांनी त्यासाठी मंगळवारी (10 मे) मोर्चाही काढला होता. याच प्रकरणावर विधानसभेचे विरोधी पक्षनेते देवेंद्र फडणवीस यांनी आपली भूमिका मांडताना म्हटलं की, राज ठाकरे यांना अयोध्येला जाऊ द्या. विरोध करण्याचं कारण नाही.
"राज ठाकरे यांच्या अयोध्या दौऱ्याला बृजभूषण सिंग का विरोध करत आहेत, हे मला माहिती नाही. माझं याविषयी त्यांच्याशी काही बोलणं झालेलं नाही. राज ठाकरेंना विरोध करण्याचं कारण मला समजलेलं नाही, पण माझं स्पष्ट मत आहे, रामाच्या चरणी जो जात असेल त्याला जाऊ दिलं पाहिजे. त्यांना विरोध करण्याचं काही कारण नाही," असं फडणवीस यांनी म्हटलं आहे.
दरम्यान, मनसे नेत्यांच्या कारवाईसंदर्भात आक्रमक होऊन राज ठाकरे यांनी मंगळवारी (10 मे) राज्याचे मुख्यमंत्री उद्धव ठाकरे खरमरीत पत्र लिहिलं.
या पत्राबद्दल बोलताना फडणवीस म्हणाले, "राज ठाकरे मुख्यमंत्र्यांकडून इतकी भाबडी अपेक्षा ठेवतील असं वाटलं नव्हतं. आम्ही ठाकरे सरकारविरोधात दोन हात करतोय, राज ठाकरेंनी महाविकास आघाडी सरकारविरोधात लढलं पाहिजे."
