1. मराठी बातम्या
  2. महाराष्ट्र न्यूज
  3. महाराष्ट्र माझा
  4. Ramdas Kadam: 'Matoshrila boxes are not new, don't make us open our mouths'

रामदास कदम : 'मातोश्रीला खोके नवीन नाहीत, आम्हाला तोंड उघडायला लावू नका'

"मातोश्रीला खोके नवीन नाहीत. मातोश्रीत किती मिठाईचे खोके गेले, हे आम्हाला माहिती आहे," असं रामदास कदम यांनी म्हटलं आहे.
 
तसंच शिवतीर्थावर दसरा मेळावा घेण्याचा अधिकार एकनाथ शिंदे यांना असल्याचं म्हणत शिंदे गटातील नेते रामदास कदम यांनी शिवसेना पक्षप्रमुख उद्धव ठाकरेंवर हल्लाबोल केला आहे.
 
"बाळासाहेबांच्या विचारांशी उद्धव ठाकरे यांनी गद्दारी केली आहे. त्यांनी बाळासाहेबांच्या विचाराशी पाठीत खंजीर खुपसण्याचे काम केले. त्यांना बाळासाहेबांचे नाव घेण्याचा तरी अधिकार आहे का," असा थेट सवाल रामदास कदम यांनी केला आहे.
 
मुख्यमंत्री एकनाथ शिंदे यांनी दसरा मेळावा शिवतीर्थावर घ्यावा, हे आपलं मत आहे. बाळासाहेबांचे विचार एकनाथ शिंदे यांच्यासोबत आहेत. उद्धवजींकडे शरद पवार यांचे विचार आहेत. त्यामुळे शिवतीर्थावर दसरा मेळावा घेण्याचा अधिकार एकनाथ शिंदे यांना असल्याचं रामदास कदम म्हणालेत.
पुढील लेख
Vikrant : महाबली INS विक्रांत समुद्रात शत्रूवर हल्ला करणार; ब्राह्मोस देखील तैनात केले जाऊ शकते