येत्या ३० जानेवारीला शिर्डी बंद

संस्थानचे मुख्य कार्यकारी अधिकारी कान्हूराज बगाटे यांच्या कार्यपध्दतीबाबत नाराजी व्यक्त करण्यात आली आहे. भाविकांना बाहेर जाण्यासाठी तीन व चार क्रमांकाचे दरवाजे बंद करण्यात आल्याने साईमंदिराच्या पूर्वेला व दक्षिणेला असलेली बाजारपेठ अक्षरशः ओस पडली. व्यापारयांमध्ये असंतोष खदखदतो आहे. हे दरवाजे भाविकांना बाहेर जाण्यासाठी खुले करावेत. ग्रामस्थांसाठी सुलभ दर्शन व्यवस्था करावी. भाविकांसोबतची लहान मुले व ज्येष्ठ मंडळींसाठी व्यवस्था करावी या मागण्यांसाठी ग्रामस्थांनी बंदचा इशारा दिला आहे.