नाशिकमध्ये पॅराशूटसह जवान बाभळीच्या झाडावर अडकला

भाबळीचे काटे अंगावर टोचल्यानं जवानाला किरकोळ जखमा झाल्या आहेत. सुदैवाने यात मोठी हानी झाली नाही.

दैनंदिन सराव करत असताना तीन पॅराशूट फेल झाले होते. मात्र त्यातील दोन सुखरुप खाली उतरले, तर त्यातील एक बाभळीच्या झाडावर कोसळलं होतं. त्यामुळे जवान बाभळीच्या झाडावरच अडकून पडला.

या घटनेची माहिती मिळताच अग्निशमन दलाचे पथक घटनस्थळी पोहोचले. त्यानंतर बाभळीचं झाड पाडून जवानाला सुखरूप बाहेर काढण्यात आले. यावेळी आर्मीचे अधिकारी मदतीसाठी तात्काळ दाखल झाले होते.