आईने स्वतःच्या तीन मुलांना विष पाजलं, चौथा पळून गेला, शेजाऱ्यांना दिली खबर, जाणून घ्या संपूर्ण प्रकरण

एक खळबळजनक घटना समोर आली आहे. एका महिलेने स्वतःच्या मुलांना विष पाजले आणि स्वतःही विषारी पदार्थ प्राशन केले, चौथ्याचा मुलगा कसा तरी बचावला. तीन मुलांसह आईच्या आत्महत्येच्या वृत्ताने अधिकाऱ्यांमध्ये घबराट पसरली. सर्वांना रुग्णालयात दाखल करण्यात आले असून, चौघांची प्रकृती चिंताजनक असल्याचे सांगण्यात येत आहे. ही घटना यूपीच्या मऊ येथील घडली आहे. 

विष प्राशन केलेल्या महिलेसह तिच्या तीन मुलांवर जिल्हा रुग्णालयात उपचार सुरू आहेत. सध्या आई आणि एका मुलाची प्रकृती चिंताजनक आहे.

मऊ जिल्ह्यातील सरेलखांसी पोलीस स्टेशन हद्दीतील कंधारी गावात राहणाऱ्या ३६ वर्षीय सरोजा देवी यांचा पती हाफिजचा तीन महिन्यांपूर्वी गाझीपूर जिल्ह्यातील जंगीपूर येथे एका रस्ता अपघातात मृत्यू झाला होता. पतीच्या निधनानंतर आर्थिक विवंचनेमुळे महिलेसमोर संसार चालवण्याचे संकट अधिक गडद झाले. पतीच्या निधनानंतर सरोजा यांना घरचा आणि मुलांचा खर्च चालवणे कठीण झाले. आर्थिक संकटामुळे ती बराच काळ त्रस्त होती. दरम्यान, शुक्रवारी सरोजाने अचानक घरात विष प्राशन करून तिचा ६ वर्षाचा मुलगा कारिया, ३ वर्षाचा मुलगा मोनू, दीड वर्षाची मुलगी नेहा यांना पाण्यात मिसळून दिले. तसेच तिने स्वतः विष पिले.

चौथ्या मुलाला विष पाजण्याचा प्रयत्न केला असता तो आईचा हात सोडवून पळून गेला. विष प्राशन केल्यानंतर सर्वांची प्रकृती बिघडली. दरम्यान, चौथ्या मुलाने शेजाऱ्यांना याची माहिती दिली असता आजूबाजूचे लोक मोठ्या संख्येने जमा झाले. स्थानिक लोकांच्या मदतीने सरोजासह तिन्ही मुलांना उपचारासाठी जिल्हा रुग्णालयात दाखल करण्यात आले. 

पतीच्या निधनानंतर महिला खूप अस्वस्थ होती. सध्या सर्वांवर जिल्हा रुग्णालयात उपचार सुरू आहेत. महिला आणि एका मुलाची प्रकृती चिंताजनक आहे. डॉक्टर सर्वांवर अत्यंत सावधगिरीने उपचार करत आहेत.