Samruddhi Highway Accident चालकाला डुलकी लागल्याने भीषण अपघात, तीन जणांचा मृत्यू
समृद्धी महामार्ग (Samruddhi Highway ) वर पहाटे 5 वाजताच्या सुमारास झालेल्या भीषण अपघातात तिघांचा मृत्यू झाला आहे. चालकाला डुलकी लागल्याने कंटेनरच्या बाजूला जाऊन धडकल्याने हा भीषण अपघात झाला.
ही घटना अमरावती जिल्ह्यातील तळेगाव दशासर पोलीस ठाण्याच्या हद्दीत घडली. अहमदनगरहून रायपूरकडे जाणाऱ्या खासगी टेम्पो ट्रॅव्हल्सची बाजूच्या कंटेनरला धडक बसल्याने हा भीषण अपघात झाला.
मिळालेल्या माहितीनुसार, पहाटेच्या सुमारास चालकाला झोप लागल्याने हा अपघात झाल्याची प्राथमिक माहिती समोर आली आहे. पहाटे पाचच्या सुमारास हा अपघात झाला. अमरावती जिल्ह्यातील गगोना शिवणी दरम्यान 128 वाहिनीवर हा अपघात झाला. यामध्ये तिघांचा मृत्यू झाला आहे. काही जखमी आहेत.
अपघातातील जखमींना उपचारासाठी जवळच्या रुग्णालयात दाखल करण्यात आले. अपघातानंतर चालकाने घटनास्थळावरून पळ काढला. या अपघाताचा पुढील तपास तळेगाव दशासर पोलीस करत आहेत. समृद्धी महामार्गावर अपघात सुरूच आहेत.
