पालघरमध्ये पोलिसांपासून पळून जाणाऱ्या तीन तरुणांना मालगाडीने धडक दिली

पालघर येथील रेल्वे अपघाताबाबत आता अधिक धक्कादायक माहिती समोर येत आहे. सुरुवातीला हा केवळ एक अपघात वाटत होता, परंतु आता मिळालेल्या माहितीनुसार या घटनेला एक वेगळे वळण मिळाले आहे.

मिळालेल्या माहितीनुसार, हे तिन्ही तरुण पोलिसांच्या एका पथकापासून वाचण्यासाठी रेल्वे रुळांच्या दिशेने धावत सुटले होते. पहाटेच्या अंधारात पोलिसांपासून पळ काढताना त्यांना समोरून किंवा मागून येणाऱ्या मालगाडीचा  अंदाज आला नाही.

प्राथमिक वृत्तानुसार, पोलीस परिसरात गस्त घालत असताना या तरुणांच्या हालचाली संशयास्पद वाटल्याने पोलिसांनी त्यांना थांबवण्याचा प्रयत्न केला. पोलिसांनी हटकल्यामुळे घाबरलेले हे तरुण रेल्वे रुळांच्या दिशेने धावले. मालगाडीसमोर आल्याने ते तिच्या कचाट्यात आले. तसेच मृतांची ओळख पटली असून  स्वप्नील शैलेश पलांडे (२३), कुणाल कुमार दुबला (२३) आणि अफरोज खलील शेख (२८) अशी मृतांची नावे आहे. हे तिघेही पालघर पूर्वेतील वीरेंद्र नगर परिसरातील रहिवासी असल्याचे सांगितले जात आहे.

मृतांच्या कुटुंबियांनी या प्रकरणात गंभीर आरोप केले आहे. त्यांचे म्हणणे आहे की अपघातापूर्वी काही पोलिस घटनास्थळी पोहोचले आणि त्यांनी तरुणांना मारहाण केली. कुटुंबियांच्या म्हणण्यानुसार, पोलिसांच्या भीतीने तरुण पळून गेले आणि रेल्वे ट्रॅक ओलांडताना मालगाडीने त्यांना धडक दिली, ज्यामुळे त्यांचा तात्काळ मृत्यू झाला.

रेल्वे पोलीस (GRP) आणि स्थानिक पोलीस आता या प्रकरणाचा संयुक्त तपास करत आहे. पोलीस या तरुणांचा पाठलाग का करत होते? त्यांच्याकडे काही बेकायदेशीर वस्तू होत्या का? की केवळ घाबरल्यामुळे त्यांनी हे टोकाचे पाऊल उचलले? या प्रश्नांची उत्तरे शोधण्याचे काम सुरू आहे.

काही प्रत्यक्षदर्शींच्या मते, पोलिसांनी पाठलाग सुरू केल्यानंतर हे तरुण गोंधळले होते. रेल्वे रुळावर पोहोचल्यानंतर त्यांना मालगाडीचा मोठा आवाज ऐकू आला नाही किंवा अंधारामुळे दिशा समजली नाही, ज्यामुळे हा भीषण अपघात घडला.

या घटनेमुळे पालघर परिसरात तणावाचे वातावरण असून मृतांच्या नातेवाईकांनी संताप व्यक्त केला आहे. पोलिसांनी या प्रकरणाची सखोल चौकशी करण्याचे आश्वासन दिले आहे.

Edited By- Dhanashri Naik