‘आजची शांतता, उद्याचं वादळ.. नाव लक्षात ठेवा.. तेजस ठाकरे’
माजी मुख्यमंत्री उद्धव ठाकरे यांना पक्षातील नेते सोडून जात असताना, घरातूनच नवा सहकारी पुढे येण्याची शक्यता आहे. तशी राजकीय वर्तुळात चर्चा सुरू झालीय.
मुंबईतील गिरगावात शिवसैनिकांनी बॅनर लावत, उद्धव ठाकरेंचे धाकटे पुत्र तेजस ठाकरे यांच्या राजकीय एंट्रीचे संकेत दिलेत. महाराष्ट्र टाइम्सनं ही बातमी दिलीय.
‘आजची शांतता... उद्याचं वादळ... नाव लक्षात ठेवा... तेजस उद्धव साहेब ठाकरे’ असं मजकूर या बॅनरवर असून, तेजस ठाकरे यांचा मोठा फोटा आणि त्यामागे उद्धव ठाकरे आणि आदित्य ठाकरे यांचे फोटो दिसतात.
मुंबई महापालिका निवडणूक या वर्षात होण्याची शक्यता आहे. अशावेळी तेजस ठाकरेंची एंट्री राजकारणात होते का, हे पाहणं महत्त्वाचं ठरेल.
