परिवहन मंत्री प्रताप सरनाईक यांनी देशातील पहिल्या टेस्ला कारची खरेदी केली
महाराष्ट्राचे परिवहन मंत्री प्रताप सरनाईक यांनी मुंबईतील वांद्रे कुर्ला कॉम्प्लेक्समधील टेस्ला एक्सपिरीयन्स सेंटरमधून टेस्ला मॉडेल वायची पहिली डिलिव्हरी घेतली आहे. सरनाईक यांनी ही कार त्यांच्या खास नातवासाठी खरेदी केली आहे.त्यांनी इलेक्ट्रिक वाहनांना प्रोत्साहन देण्याच्या दिशेने हे एक पाऊल असल्याचे म्हटले आहे.
मुंबईतील भारतातील पहिल्या टेस्ला एक्सपिरीयन्स सेंटरचे उद्घाटन या वर्षी 15 जुलै रोजी झाले. देशातील पहिली टेस्ला कार 5 सप्टेंबर रोजी या सेंटरमधून डिलिव्हर करण्यात आली. डिलिव्हरी घेतल्यानंतर मंत्री प्रताप सरनाईक म्हणाले की, त्यांना ही कार पहिल्यांदा मिळाली याबद्दल ते स्वतःला भाग्यवान मानतात.
ते म्हणाले मी ही कार माझ्या नातवासाठी खरेदी केली आहे. पालकांनी त्यांच्या मुलांना शाळेत सोडण्यासाठी व नेण्यासाठी अशा वाहनांचा वापर करावा अशी माझी इच्छा आहे. जेणे करून येणाऱ्या पिढीत पर्यावरणाविषयी जागरूकता पसरेल. पुढील 10 वर्षात आपल्याला रस्त्यांवर अधिकाधिक इलेक्ट्रिक वाहने दिसतील.
टेस्लाने 15 जुलै रोजी भारतात आपले पहिले मॉडेल - मध्यम आकाराचे इलेक्ट्रिक एसयूव्ही मॉडेल वाय लाँच केले. त्याची सुरुवातीची किंमत सुमारे 60 लाख रुपये आहे. ती दोन प्रकारांमध्ये येते - रियर व्हील ड्राइव्ह आणि लाँग रेंज रियर व्हील ड्राइव्ह. रियर व्हील ड्राइव्हची किंमत सुमारे 60 लाख रुपये आहे. लाँग रेंज व्हेरिएंटची किंमत सुमारे 68 लाख रुपये आहे, ज्याची रेंज 622 किमी पर्यंत आहे आणि ती फक्त 5.6 सेकंदात 0 ते 100 किमी प्रतितास वेग पकडते.
Edited By - Priya Dixit
