संपूर्ण पोलीस चौकशीनंतर काय तो निर्णय घेतला जाईल : शरद पवार
राष्ट्रवादीचे नेते आणि सामाजिक न्यायमंत्री धनंजय मुंडे यांच्यावर गंभीर आरोप झाले आहेत. मात्र, हे आरोप करणाऱ्या व्यक्तीविषयी त्यानंतर अन्य काही गोष्टी पुढे आल्यात. आता ही बाब पोलिसात गेली आहे. संपूर्ण पोलीस चौकशीनंतर काय तो निर्णय घेतला जाईल, असे राष्ट्रवादीच्या बैठकीत ठरले आहे, अशी माहिती पक्षाचे अध्यक्ष शरद पवार यांनी मीडियाशी बोलताना दिली.
याआधी शरद पवारयांनी सांगितेल की, धनंजय मुंडे यांच्यावरील आरोपाचे स्वरुप गंभीर आहेत. पक्ष म्हणून निर्णय घेण्यात येईल. त्यामुळे आता राष्ट्रवादी काय निर्णय घेणार याची उत्सुकता होती. मात्र, या प्रकरणाला वेगळे वळण लागल्यानंतर पवार यांनीही सावध भूमिका घेतली आहे. एका महिलेने आरोप केल्यानंतर तक्रार दाखल केली आहे. या तक्रारीची चौकशी पोलीस संपूर्ण चौकशी करतील.
तसेच धनंजय मुंडे हे मला स्वत: भेटले. यावेळी त्यांनी प्रकरणाची संपूर्ण माहिती मला दिली, असे शरद पवारांनी यावेळी सांगितले. तसेच तक्रारीचे स्वरुप गंभीर आहे. दरम्यान, धनंजय मुंडे यांच्यावर त्या महिलेले तक्रार दाखल केल्यानंतर वेगळीच माहीती मीडियाच्या माध्यमातून पुढे आली आहे. त्यामुळे आता पोलीस चौकशी करतील. त्यानंतर पुढील पाऊल उचलेल जाईल, असे स्पष्ट संकेत पवार यांनी दिले आहेत.
