मुलाला ठार मारण्याची धमकी देत पालघरमध्ये महिलेवर सामूहिक बलात्कार! पतीच्या दोन मित्रांना अटक
महाराष्ट्रातील पालघर जिल्ह्यात एका महिलेवर झालेल्या कथित सामूहिक बलात्कार प्रकरणी पोलिसांनी दोन जणांना अटक केली आहे. पोलिसांच्या माहितीनुसार, आरोपी हे महिलेच्या पतीचे मित्र असून ते तिच्या घरी नेहमी येत-जात असतात. तक्रारीनुसार, ही घटना ८ ऑक्टोबरच्या रात्री पतीच्या अनुपस्थितीत घडली.
मिळालेल्या माहितीनुसार महाराष्ट्रातील पालघर जिल्ह्यात एका महिलेवर झालेल्या कथित सामूहिक बलात्काराची घटना समोर आली आहे. असा आरोप आहे की, घटनेनंतर आरोपींनी, जर तिने या घटनेबद्दल कोणाला सांगितले तर तिच्या चार वर्षांच्या मुलाला जीवे मारण्याची धमकी दिली. पोलिसांनी या प्रकरणात दोन आरोपींना अटक केली आहे.
अधिकाऱ्याने दिलेल्या माहितीनुसार, महिलेच्या तक्रारीच्या आधारे विरार पोलिसांनी शुक्रवारी दोन जणांना अटक केली. अटकेनंतर, दोन्ही आरोपींना स्थानिक न्यायालयात हजर करण्यात आले. न्यायालयाने त्यांना चार दिवसांची पोलीस कोठडी सुनावली. या प्रकरणाचा तपास सुरू आहे.
