Shrawan Special बटाटे- राजगिर्‍याचा पराठा
साहित्य - ३ ते ४ उकडलेले बटाटे, २ चमचे वाटलेली हिरवी मिरची, जिरेपुड १ चमचा, फोडणीसाठी तूप व जिरे.
आवरण- २ वाटी राजगिर्‍याचे पीठ, पाव चमचा मीठ व २ चमचे तेल घालून भिजवून घ्यावे. घट्ट गोळा तयार करून घ्यावा. कृती- प्रथम पॅनमध्ये थोड्या तुपावर जिरे व वाटलेली मिरची घालावी. १ च. जिरे पुड घालावी व उकडलेले बटाटे स्मॅश करून घालावे. चवीनुसार तिखट, मीठ घालावे व परतावे. सारण तयार होईल, थंड करायला ठेवावे.
पराठा कृती- राजगिर्‍याचे भिजवलेले पीठ तुपाचा हात लावून चांगले मळून घ्यावे व लहान लहान लाट्या करून मधोमध आलूचे सारण भरावे. पराठा लाटून गरम तव्यावर दोन्ही बाजूनी तूप लावून शेकून घ्यावा. दह्याच्या चटणीसोबत किंवा दाण्याच्या चटणीसोबत वाढावा.
