उशेनिना बनली महिला बुद्धिबळ चॅम्पियन
आंतरराष्ट्रीय महिला बुद्धिबळ चॅम्पियनशिपमध्ये युक्रेनच्या अ‍ॅना उशेनिनाने बल्गेरियाच्या अँटोनेटा स्टेफानोव्हाला पराभूत करून विश्वविजेतेपदाला गवसणी घालती आहे. पहिल्या टायब्रेकमध्ये अ‍ॅनाने स्टेफानोव्हाला पराभूत केले. सुरुवातीच्या फेरीमध्ये 2-2 अशी बरोबरी साधल्यानंतर उशेनिनाने दुसर्‍या डावात निर्णायक आघाडी घेतली. या विजयामुळे अ‍ॅनाचा पुढील वर्षी चीनमध्ये होणार्‍या वर्ल्ड चॅम्पियनशिपमध्ये खेळण्याचा मार्गही मोकळा झाला आहे. तिने आपल्या विजयाचे सारे श्रेय आई-वडील, मित्र आणि समर्थकांना दिले आहे. या स्पर्धेत भारताची बुद्धिबळपटू डी. हरिका सेमीफायनलपर्यंतच टिकाव धरू शकली होती.
