शनिवार, 24 फेब्रुवारी 2024
  1. मराठी बातम्या
  2. खेळ मराठी
  3. क्रीडा वृत्त
Written By
Last Modified: मंगळवार, 3 मे 2022 (16:21 IST)

IWF Junior World Championships: हर्षदा शरद गरुडने इतिहास रचला, 16 वर्षीय वेटलिफ्टरने ज्युनियर वर्ल्ड चॅम्पियनशिपमध्ये सुवर्ण जिंकले

फोटो साभार -सोशल मीडिया 
भारताची युवा वेटलिफ्टर हर्षदा शरद गरुड हिने इतिहास रचला आहे. हर्षदाने सोमवारी ग्रीसमधील हेराक्लिओन येथे झालेल्या आयडब्ल्यूएफ ज्युनियर वर्ल्ड चॅम्पियनशिपमध्ये सुवर्णपदक जिंकले. या चॅम्पियनशिपमध्ये सुवर्णपदक जिंकणारी ती पहिली भारतीय वेटलिफ्टर ठरली. हर्षदाने महिलांच्या 45 किलोमध्ये एकूण 153 किलो (70 किलो आणि 83 किलो) वजन उचलून सुवर्णपदक जिंकले आणि स्पर्धेच्या पहिल्याच दिवशी भारताचे खाते उघडले.
 
हर्षदाने स्नॅचमध्ये 70 किलो वजन उचलून सुवर्णपदक मिळवले, तर क्लीन अँड जर्कनंतर ती तुर्कीच्या बेक्तास कानसू (85 किलो) नंतर दुसऱ्या स्थानावर होती. बेक्तासने एकूण 150 किलो (65 किलो आणि 85 किलो) वजन उचलून रौप्यपदक जिंकले.