पीव्ही सिंधूची शानदार कामगिरी, पहिल्यांदाच फ्रेंच ओपनच्या अंतिम फेरीत दाखल
भारताची स्टार बॅडमिंटनपटू पीव्ही सिंधूने शानदार कामगिरी करत फ्रेंच ओपन २०२६ च्या अंतिम फेरीत प्रवेश केला आहे. उपांत्य फेरीत जपानच्या हिना अकेचीला पराभूत करून सिंधूने पहिल्यांदाच अंतिम फेरीत प्रवेश केला आहे.
भारताची स्टार बॅडमिंटनपटू आणि दोन वेळची ऑलिम्पिक पदक विजेती पीव्ही सिंधूने फ्रेंच ओपन २०२६ च्या अंतिम फेरीत प्रवेश केला आहे. शनिवारी झालेल्या उपांत्य फेरीत सिंधूने शानदार कामगिरी करत जपानच्या हिना अकेचीला २-१ ने पराभूत केले. यासह तिने पहिल्यांदाच फ्रेंच ओपनच्या विजेतेपदाच्या सामन्यात प्रवेश केला आहे. आता, रविवार, २५ ऑक्टोबर रोजी होणाऱ्या अंतिम सामन्यात तिचा सामना दक्षिण कोरियाच्या जागतिक क्रमवारीत अव्वल असलेल्या ॲन से यंगशी होईल. हा अंतिम सामना जिंकून सिंधूला या वर्षातील तिचे दुसरे सुपर 750 विजेतेपद पटकावण्याची सुवर्णसंधी आहे.
या वर्षाच्या सुरुवातीला जपान ओपन सुपर 750 विजेतेपद जिंकणाऱ्या पीव्ही सिंधूने फ्रेंच ओपन २०२६ मध्ये आपली प्रभावी कामगिरी कायम ठेवली आहे. या ३१ वर्षीय खेळाडूने एक तास आणि १३ मिनिटे चाललेल्या उपांत्य फेरीच्या सामन्यात जागतिक क्रमवारीत २२ व्या क्रमांकावर असलेल्या हिना अकेचीचा २१-१०, २०-२२, २१-१६ असा पराभव केला.
