सानिया मिर्झा तिच्या शेवटच्या ऑस्ट्रेलियन ओपनमध्ये पराभूत होऊन उपांत्यपूर्व फेरीतून बाहेर पडली
सानिया मिर्झा आणि राजीव राम ऑस्ट्रेलियन ओपनच्या मिश्र दुहेरीच्या उपांत्यपूर्व फेरीतून बाहेर पडले. या जोडीला जेसन कुबलर आणि जेमी फोर्लिस या जोडीने सलग सेटमध्ये 6-4, 7-6 ने पराभूत केले. सानिया मिर्झाची ही शेवटची ऑस्ट्रेलियन ओपन स्पर्धा आहे. या वर्षानंतर ती टेनिसमधून निवृत्ती घेत आहे. सानियाने यापूर्वीच याची घोषणा केली आहे.
मेलबर्न येथील मार्गारेट कोर्ट एरिना येथे खेळल्या गेलेल्या सामन्यात सानिया आणि तिचा जोडीदार अमेरिकेच्या राजीव यांनी पहिला सेट सहज गमावला. मात्र, दोघांनीही दुसऱ्या सेटमध्ये बाउन्स बॅक करत गुणसंख्या 5-5अशी बरोबरी साधली. मात्र, शेवटी कुबलर आणि फोर्लिस यांनी चांगली कामगिरी करत उपांत्य फेरीत धडक मारली.
त्यामुळे सानियाचा ऑस्ट्रेलियन ओपनमधील प्रवास संपला. यापूर्वी ऑस्ट्रेलियन ओपनमध्ये सानियाला महिला दुहेरीच्या पहिल्या फेरीत पराभव पत्करावा लागला होता. तिला आणि युक्रेनच्या नादिया किचेनोक यांना स्लोव्हेनियाच्या तमारा झिडानसेन आणि काजा जुवान जोडीने 4-6 6-7(5) ने पराभूत केले.
