Women's World Boxing Championships: निखत जरीनने पहिला सामना जिंकला

भारताची स्टार महिला बॉक्सर निखत जरीनने गुरुवारी नवी दिल्ली येथे महिला जागतिक अजिंक्यपद स्पर्धेच्या पहिल्या फेरीत शानदार विजय नोंदवला. ती  RSC (रेफरी स्टॉप्ड कॉन्टेस्ट) द्वारे जिंकली. निखत यंदा विजेतेपदाच्या रक्षणासाठी उतरली आहे. गेल्या वर्षी निखतने वर्ल्ड चॅम्पियनशिपचे विजेतेपद पटकावले होते. महिला जागतिक बॉक्सिंग चॅम्पियनशिप स्पर्धेची सुरुवात निखतच्या चढाओढीने झाली 

निखत ही गतविजेता असूनही तिला स्पर्धेत कोणतेही सीडिंग देण्यात आलेले नाही. सामन्यादरम्यान ती तिच्या आक्रमक फॉर्ममध्ये होती आणि तिने प्रतिस्पर्ध्यावर ठोसे मारले. भारताचा दबदबा इतका होता की, दुसऱ्या फेरीत स्पर्धा थांबवण्यापूर्वी रेफ्रींना अझरबैजानच्या इस्माइलोव्हाला तीनदा मोजावे लागले.निखतची पुढील फेरीत अव्वल मानांकित आणि 2022 ची आफ्रिकन चॅम्पियन रौमेसा बौलमशी लढत होईल.

निखत म्हणाली मला आनंद आहे की भारताची पहिली चढाओढ माझ्यासह सुरू झाली आणि मला ती पूर्ण करण्याची आशा आहे. निखत व्यतिरिक्त, साक्षीने (52 किलो) पहिल्या फेरीत कोलंबियाच्या मार्टिनेझ मारिया जोसवर 5-0 असा एकमताने विजय मिळवत उपउपांत्यपूर्व फेरीत प्रवेश केला.

Edited By - Priya Dixit