सुप्त वज्रासन

सुप्त याचा अर्थ झोपलेला. अर्थात वज्रासनाच्या स्थितीत झोपलेला. या आसनात पाठीच्या आधारे झोपावे लागते. म्हणूनच त्याला सुप्त वज्रासन असे म्हणतात.

कृती- दोन्ही पाय समोर पसरून बसा. दोन्ही पाय जोडा. हात बगलेत, कंबर सरळ आणि नजर समोर हवी. आता वज्रासनाच्या स्थितीत बसा. त्यानंतर दोन्ही पायात एवढे अंतर ठेवा की त्यामुळे नितंब जमिनीला लागली पाहिजेत. मग दोन कोपरांची मदत घेऊन जमिनीवर पडा.

उजवा हात मागे घ्या आणि डाव्या खाद्याच्या खाली घ्या. आता डावा हात मागे घेऊन उजव्या खांद्याच्या खाली घ्या. या अवस्थेत दोन्ही हाताची स्थिती कात्रीसारखी होते. यानंतर याच्या मधोमध डोके यायला हवे.

यानंतर परत पूर्वीच्याच अवस्थेत येण्यासाठी हात मांड्यांच्या बाजूला ठेवा आणि दोन्ही कोपरांच्या सहाय्याने उठून उभे रहा.

WD

सूचना- गॅसेसचा आणि कंबरदुखीचा त्रास असणार्‍यांनी हे आसन करू नये. जेवणानंतर वा काही खाल्ल्यानंतर लगेचच हे आसन करू नये.

नितंब टेकल्यानंतरच जमिनीवर झोपा. जेवढे आरामात झोपाल तेवढे चांगले. जास्त त्रास होईल, असे काही करू नका. सुरवातीला गुडघे एकत्र करून ठेवण्यात अडचण असेल तर वेगवेगळे ठेवले तरी चालतील. पण हळूहळू दोन्ही पाय एकत्र आणण्याचा प्रयत्न करा. जमिनीवर झोपल्यानंतर गुडघे वर यायला नको. जमिनीवर पाय समतल हवेत.

फायदा- गुडघे, वक्षस्थल, आणि पाठीच्या कण्यासाठी हे आसन फायदेशीर आहे. पोटाला चांगलाच ताण बसून तेथील नाडींमधील रक्तप्रवाह सुधारतो. त्यामुळे पोटासंदर्भातील तक्रारी कमी होतात.