Virat Kohli विराट कोहलीने झळकावले पहिले आंतरराष्ट्रीय T20 शतक

भारतासाठी आंतरराष्ट्रीय T20 मधील सर्वात मोठी खेळी

 विराटची ही खेळी कोणत्याही भारतीय खेळाडूने आंतरराष्ट्रीय T20 मध्ये खेळलेली सर्वात मोठी खेळी आहे. या प्रकरणात विराटने रोहित शर्माचा विक्रम मोडला. रोहितने इंदूरमध्ये श्रीलंकेविरुद्ध 118 धावांची इनिंग खेळली होती. या खेळीपूर्वी विराटची नाबाद 94* ही सर्वोच्च धावसंख्या होती. 2019 साली हैदराबादमध्ये त्याने वेस्ट इंडिजविरुद्ध ही खेळी खेळली होती. 

104 व्या सामन्यात पहिले आंतरराष्ट्रीय टी20 शतक

विराट जसजसा आपली लय मिळवत आहे, तसतशी पुन्हा एकदा विक्रमांची झुंबड उडाली आहे. गुरुवारी विराट कोहली अफगाणिस्तानविरुद्ध केएल राहुलसोबत टीम इंडियासाठी डावाची सुरुवात करण्यासाठी आला आणि त्याने 32 चेंडूत आपले अर्धशतक पूर्ण केले. यानंतर त्याने 53 चेंडूत आंतरराष्ट्रीय T20 मध्ये पहिले शतक पूर्ण केले. आंतरराष्ट्रीय T20 मध्ये शतकासाठी 104 सामने आणि 96 डावांची प्रतीक्षा करावी लागली.

आंतरराष्ट्रीय T20 मध्ये शतक ठोकणारा सहावा भारतीय

विराट आंतरराष्ट्रीय T20 मध्ये शतक झळकावणारा भारताचा सहावा फलंदाज आहे. विराटपूर्वी सुरेश रैना, केएल राहुल, रोहित शर्मा, सूर्यकुमार यादव आणि दीपक हुडा यांनी भारतासाठी आंतरराष्ट्रीय टी-२०मध्ये शतके झळकावली होती. यासह विराट कोहली हा तिन्ही फॉरमॅटमध्ये शतके करणारा रोहित शर्मा, केएल राहुल, सुरेश रैना यांच्यानंतर चौथा भारतीय ठरला आहे. 

सर्वाधिक 50+ डाव खेळणारा फलंदाज

विराट कोहलीने गुरुवारी अफगाणिस्तानविरुद्ध अर्धशतक झळकावले. तो पुन्हा एकदा आंतरराष्ट्रीय T20 मध्ये 50 पेक्षा जास्त धावा करणारा फलंदाज ठरला. या आंतरराष्ट्रीय टी-20मध्ये 33 वेळा 32 अर्धशतकं आणि एका शतकासह 50 हून अधिक धावा करण्यात विराट यशस्वी ठरला आहे. याआधी रोहित आणि विराटचे 50 हून अधिक धावांचे 32-32 डाव होते. आंतरराष्ट्रीय T20 मध्ये रोहितने 28 अर्धशतकांसह 4 अर्धशतकांसह एकूण 32 डाव खेळले आहेत.

या डावात 3500 धावा पूर्ण करणारा विराट कोहली जगातील दुसरा खेळाडू ठरला

, त्याने 38 धावांचा टप्पा पार करताच, आंतरराष्ट्रीय टी20 मध्ये 3500 धावा पूर्ण करणारा रोहित शर्मा (3,620) नंतर तो दुसरा फलंदाज बनला. दरम्यान, मार्टिन गुप्टिलला (3,497ागे टाकत विराटने आंतरराष्ट्रीय टी-20 मध्ये सर्वाधिक धावा करण्याच्या बाबतीत दुसऱ्या क्रमांकावर पोहोचला आहे. विराटच्या खात्यात धावा (3584*) झाल्या आहेत.