Dharma Sangrah
✕

नरेंद्र मोदी - उद्धव ठाकरेंच्या 'त्या' भेटीत युतीची चर्चा झाली होती – राहुल शेवाळे

Updated: मंगळवार, 19 जुलै 2022 (20:24 IST)
 
एकनाथ शिंदे यांच्या गटात दाखल झालेल्या शिवसेनेच्या 12 खासदारांनी नवी दिल्लीतल्या महाराष्ट्र सदनात एकनाथ शिंदे यांच्याबरोबर पत्रकार परिषद घेतली. शिवसेनेचे लोकसभेत 18 खासदार आहेत. त्यापैकी 12 खासदार आता शिंदे गटात गेले आहेत.
 
"आम्ही शिवसेनाच आहोत, आम्ही पूर्वी देखील एनडीएत होतो आता देखील आहोत," असं एकनाथ शिंदे यांनी यावेळी म्हटलंय.
 
एनडीएच्या उपराष्ट्रपतीपदाच्या उमेदवाराला आम्ही पाठिंबा देऊ असं यावेळी राहुल शेवाळे यांनी स्पष्ट केलं आहे. आम्ही कुठलाही गट स्थापन केलेला नाही, आम्ही फक्त नेता बदलेला आहे, असं राहुल शेवाळे यांनी म्हटलंय.
 
तसंच मी भाजपबरोबर जाण्याचा प्रयत्न केला आता तुम्हीसुद्धा तुमच्या परीने प्रयत्न करा, असं उद्धव ठाकरे यांनी सांगितलं होतं. त्यामुळेच आम्ही हा निर्णय घेतला आहे, असं राहुल शेवाळे यांनी म्हटलंय.
 
लोकसभा अध्यक्षांची शेवाळेंच्या नियुक्तीला मान्यता
 
12 खासदारांनी लोकसभा अध्यक्षांकडे शिवसेना गट तयार करून पत्र दिलं आहे. तसंच लोकसभा अध्यक्ष ओम बिर्ला यांनी राहुल शेवाळे यांच्या गटनेतेपदाला मान्यता दिल्याचं, मुख्यमंत्री एकनाथ शिंदे यांनी सांगितलं आहे.
 
दिल्लीत येण्याचं दुसरं महत्त्वाचं कारण म्हणजे बुधवारी ओबीसी आरक्षणावर सुप्रीम कोर्टात सुनावणी आहे. त्यासंबंधी तज्ज्ञांसोबत बैठक, चर्चा करण्यासाठीही मी दिल्लीत आलो, असं एकनाथ शिंदे यांनी सांगितलं आहे.
 
"बाळासाहेबांचे विचार, आमचे गुरूवर्य आनंद दिघे यांचे विचार घेऊन आम्ही महाराष्ट्रात शिवसेना-भाजप युतीचं सरकार स्थापन केलं. जी भूमिका आम्ही 50 आमदारांनी घेतली, त्याचं समर्थन राज्यभरातून शिवसेनेचे पदाधिकारी, कार्यकर्ते यांनी केलंच आहे. पण महाराष्ट्रातल्या जनतेनंही केलं आहे. सरकार स्थापनेनंतर आम्ही अनेक निर्णय तातडीने घ्यायलाही सुरूवात केली आहे," असं एकनाथ शिंदे यांनी म्हटलंय.
 
"केंद्र सरकारचा पूर्ण पाठिंबा महाराष्ट्राच्या सरकारला आहे. पंतप्रधानांनी सांगितलं आहे की, राज्याच्या विकासासाठी कुठेही काही कमी पडू देणार नाही," असं एकनाथ शिंदे यांनी म्हटलंय.
 
एकनाथ शिंदेंसोबत 'हे' 12 खासदार
हेमंत गोडसे
हेमंत पाटील
राजेंद्र गावित
संजय मंडलीक
श्रीकांत शिंदे
श्रीरंग बारणे
राहुल शेवाळे
प्रतापराव जाधव
धैर्यशील माने
कृपाल तुमाने
भावना गवळी
सदाशिव लोखंडे
राहुल शेवाळे आमचे गटनेते बनले आहेत. भावना गवळी आमच्या प्रतोद आहेत. त्यांचं स्वागत करतो, असंही एकनाथ शिंदे यांनी म्हटलंय.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

पुढील लेख
Show comments