India Tourism : जगभरातील कृष्णभक्तांसाठी वृंदावन आणि मथुरा यांना अतीव महत्त्व आहे. ही ती ठिकाणे आहे जिथे स्वतः भगवान कृष्णाने अवतार घेतला. वृंदावनमध्ये अशी अनेक मंदिरे आहे, जी कृष्णाच्या व्यक्तिमत्त्वाचे अनेक गुण आणि देवी राधासोबतचे त्यांचे दिव्य नाते दर्शवतात. असेच एक मंदिर म्हणजे प्रेम मंदिर, जे वृंदावनमधील सर्वाधिक भेट दिल्या जाणाऱ्या मंदिरांपैकी एक आहे.
वृंदावनमधील प्रेम मंदिर हे राधा आणि कृष्णाच्या दिव्य प्रेमाचे प्रतीक आहे. हे सुंदर मंदिर आपल्या आकर्षक स्थापत्यकलेमुळे आणि आध्यात्मिक महत्त्वामुळे जगभरातील भक्त आणि पर्यटकांना आकर्षित करते. जर तुम्ही वृंदावनला भेट देत असाल, तर तुम्ही प्रेम मंदिराला अवश्य भेट दिली पाहिजे. वृंदावनमधील प्रेम मंदिर हे त्याच्या सौंदर्यासाठी, अप्रतिम कोरीव कामासाठी आणि आध्यात्मिक वातावरणासाठी जगभरात प्रसिद्ध आहे. हे मंदिर भगवान राधा-कृष्ण आणि सीता-राम यांच्या दिव्य प्रेमाला समर्पित आहे.
प्रेम मंदिर हे वृंदावनमधील सर्वात सुंदर मंदिरांपैकी एक आहे. २००१ मध्ये बांधकामास सुरुवात झाली आणि ते पूर्ण होण्यास जवळपास एक दशक लागले. १७ फेब्रुवारी २०१२ रोजी मंदिराचे अधिकृत उद्घाटन झाले. या संपूर्ण प्रकल्पासाठी कृपालू महाराज आणि त्यांच्या संस्थेने निधी पुरवला होता.
या मंदिराची सर्वात सुंदर बाब म्हणजे, या परिसराची रचना पर्यावरणाचा विचार करून करण्यात आली आहे. कचरा व्यवस्थापन प्रणालीपासून ते जलसंधारणाच्या उपायांपर्यंत, या बाबतीत हे मंदिर अद्वितीय आहे.
मंदिराची निर्मिती आणि वैशिष्ट्ये
या मंदिराची निर्मिती जगद्गुरु श्री कृपालुजी महाराज यांनी केली आहे. हे मंदिर पूर्णपणे पांढऱ्या संगमरवरी दगडाने बनलेले आहे. मंदिराची उंची सुमारे १२५ फूट असून लांबी १९० फूट आहे. यावर अतिशय सुबक आणि बारीक नक्काशी करण्यात आली आहे.
प्रमुख आकर्षणे
रंग बदलणारी रोषणाई: प्रेम मंदिराचे सर्वात मोठे वैशिष्ट्य म्हणजे रात्रीच्या वेळी मंदिरात होणारी रोषणाई. आधुनिक लाइटिंगमुळे दर काही मिनिटांनी मंदिराचा रंग बदलतो, जो डोळ्यांचे पारणे फेडणारा असतो.
म्युझिकल फाउंटन (कारंजे): संध्याकाळी मंदिरात संगीतमय कारंज्यांचा शो (Musical Fountain Show) होतो. यामध्ये पाण्याच्या कारंज्यांसोबत राधा-कृष्णाची भजने आणि लेझर शो पाहता येतो.
कलाकृती आणि झाँकी: मंदिराच्या बाहेरील बागेत श्रीकृष्णाच्या विविध लीला जसे की - गोवर्धन पर्वत उचलणे, कालिया मर्दन आणि रासलीला - यांच्या अतिशय जिवंत मूर्ती आणि झाँकी तयार केल्या आहेत.
मंदिराची वेळ
सकाळ: ८:३० ते दुपारी १२:०० पर्यंत.
संध्याकाळ: ४:३० ते रात्री ८:३० पर्यंत.
प्रेम मंदिर जावे कसे?
प्रेम मंदिर रमण रेती, वृंदावन, मथुरा उत्तर प्रदेश येथे स्थित आहे.
जवळचे रेल्वे स्टेशन: मथुरा जंक्शन (येथून मंदिर साधारण १२ किमी अंतरावर आहे).
