प्रसिद्ध मल्याळम अभिनेते इनोसंट यांचं निधन

अभिनेत्याची तब्येत काही दिवसांपासून ठीक नव्हती. त्यांना याआधी कॅन्सर झाला होता, ज्यातून त्यांनी ही लढाई जिंकली होती, मात्र श्वासोच्छवासाच्या त्रासामुळे त्यांना 3 मार्च रोजी खासगी रुग्णालयात दाखल करण्यात आले होते. रविवारी, 26 मार्च रोजी रात्री साडेदहाच्या सुमारास कोची व्हीपीएस रुग्णालयात त्यांचे निधन झाले. त्यांच्या पश्चात पत्नी अॅलिस आणि मुलगा सॉनेट असा परिवार आहे.

अभिनेत्याचे अनेक अवयव निकामी झाले आणि हृदयविकाराच्या झटक्याने त्यांचा मृत्यू झाला. अभिनेता काही वर्षांपूर्वी कर्करोगाने त्रस्त होता, परंतु 2015 मध्ये त्याने या आजारातून मुक्त झाल्याचे जाहीर केले. त्यांनी त्यांच्या 'लाफ्टर इन द कॅन्सर वॉर्ड' या पुस्तकात कर्करोगाशी केलेल्या लढाईबद्दल सांगितले.

या अभिनेत्याने पृथ्वीराज सुकुमारन यांच्या 2022 मध्ये आलेल्या 'कडूवा' चित्रपटात शेवटचे काम केले होते. पाच दशकांच्या कारकिर्दीत त्यांनी 700 हून अधिक चित्रपट केले. ते 12 वर्षे मल्याळम मूव्ही आर्टिस्ट असोसिएशनचे अध्यक्ष होते. मल्याळम चित्रपटसृष्टीतील सर्वोत्कृष्ट विनोदी अभिनेता म्हणून त्यांची ओळख होती. याशिवाय त्यांनी खलनायकाची भूमिकाही साकारली होती. 

Edited By- Priya Dixit