काजोल साकारणार सावित्रीबाई मालुसरे!

रोमँटिक भूमिका साकारणारी काजोल पहिल्यांदाच एका ऐतिहासिक चित्रपटात झळकणार आहे. याआधी अजयने या चित्रपटातील इतर पात्रांचा लूक प्रेक्षकांसोबत शेअर केला होता. 'तानाजी : द अनसंग वॉरियर' या चित्रपटात तानाजी मालुसरेंची भूमिका स्वतः अजय देवगण साकारणार असून, अभिनेता शरद केळकर छत्रपती शिवाजी महाराजांच्या भूमिकेत दिसणार आहे. सैफ अली खान राजा उदयभान सिंग हे खलनायकी पात्रं साकारणार आहे.

'सेक्रेड गेम'ध्ये दिसलेला अभिनेता ल्युक केन्नी या चित्रपटात औरंगजेबाची व्यक्तिरेखा साकारताना दिसणार आहे, तर अभिनेत्री पद्मावती राव वीरमाता जिजाऊ साकारणार आहेत. ओम राऊत दिग्दर्शित 'तानाजी : द अनसंग वॉरिअर' हा चित्रपट येत्या वर्षी 10 जानेवारीला प्रदर्शित होणार असून, हा चित्रपट थ्रीडीमध्ये असणार आहे.