बाळाला दूध पाजणं सोडू नका, त्यातून कोरोनाचा संसर्ग होत नाही

कोरोनाची लागण झालेल्या मातांची बाळांना दूध पाजण्यावरून होणारी चिंता ओळखून केंद्रीय महिला व बाल कल्याण विभागाने  त्यासंदर्भात स्पष्टीकरण दिलं आहे. ‘आईचं दूध बाळाच्या कोरोनापासून संरक्षणासाठी महत्त्वाची भूमिका बजावतं. जरी आई स्वत: कोरोनाबाधित असली, तरी दूध पाजल्यामुळे बाळाला कोरोनाची लागण होत नाही. जागतिक आरोग्य संघटना आणि आरोग्य व कुटुंब कल्याण विभागाकडून यासंदर्भात जारी करण्यात आलेली नियमावली सगळ्यांनी पाळायला हवी’, असं विभागाकडून स्पष्ट करण्यात आलं आहे.