बाप्परे, ४३ डॉक्टर, ५० वैद्यकीय शिक्षण घेणारे विद्यार्थी क्वारंटाईन

डॉक्टर आणि संपर्कात आलेल्या इतर वैद्यकीय कर्मचाऱ्यांना क्वारंटाईन करण्यात आलं आहे.

३१ मार्चला रिक्षा चालक असलेल्या व्यक्तीचा कासारवाडी येथे अपघात झाला होता. त्याच्या पोटाला गंभीर इजा झाली होती. त्यामुळे त्या व्यक्तीला तातडीने एका खासगी वैद्यकीय महाविद्यालयात घेऊन जाण्यात आले. तिथे डॉक्टरांनी त्याच्यावर उपचार केले. परंतु, त्याच्या पोटाला गंभीर इजा झाल्याने त्याच्यावर शस्त्रक्रिया करण्याचं ठरलं. त्याप्रमाणे शस्त्रक्रिया झाली आहे.