IND vs AUS :भारतीय क्रिकेट संघ रविवारी (8 ऑक्टोबर) विश्वचषक स्पर्धेत आपल्या मोहिमेला सुरुवात करणार आहे. चेन्नईच्या एमए चिदंबरम स्टेडियमवर पाचवेळा चॅम्पियन ऑस्ट्रेलियाचा सामना होईल. 13व्या विश्वचषकात कांगारूंचाही हा पहिलाच सामना असेल. रोहित शर्मा आणि पॅट कमिन्स वनडे क्रिकेटच्या सर्वात मोठ्या स्पर्धेत प्रथमच कर्णधारपद भूषवणार आहेत. विजयाने सुरुवात करण्याकडे दोन्ही संघांचे लक्ष असेल.
चेन्नईमध्ये दोन्ही संघांमधील हा चौथा एकदिवसीय सामना असेल. आतापर्यंत तीन सामन्यांमध्ये ऑस्ट्रेलियाचा वरचष्मा राहिला आहे. त्यात दोन सामने जिंकले असून एका सामन्यात भारताला यश मिळाले आहे. चेन्नई येथे भारत आणि ऑस्ट्रेलिया यांच्यातील विश्वचषकातील हा दुसरा सामना आहे. यापूर्वी 1987 मध्ये दोन्ही संघ आमनेसामने आले होते. त्यानंतर कांगारू संघाने हा सामना एका धावेने जिंकला.
भारताने ऑस्ट्रेलियाविरुद्धच्या विश्वचषकात आतापर्यंत केवळ चार सामने जिंकले आहेत. त्याचबरोबर आठ वेळा पराभवाचा सामना करावा लागला आहे. चार विजयांबद्दल बोलायचे झाल्यास, भारताने 1983, 1987, 2011 आणि 2019 मध्ये पाच वेळा चॅम्पियन संघाचा पराभव केला आहे.
भारत विरुद्ध ऑस्ट्रेलिया सामना रविवारी 8 ऑक्टोबर चेन्नईच्या एमए चिदंबरम स्टेडियमवर
भारतीय वेळेनुसार दुपारी 2 वाजता सुरू होणार.
दोन्ही संघ:
भारत:रोहित शर्मा (कर्णधार), हार्दिक पंड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, इशान किशन, सूर्यकुमार यादव.
ऑस्ट्रेलिया: पॅट कमिन्स (कर्णधार), स्टीव्ह स्मिथ, अॅलेक्स कॅरी, जोश इंग्लिस, शॉन अॅबॉट, कॅमेरॉन ग्रीन, जोश हेझलवूड, ट्रॅव्हिस हेड, मार्नस लॅबुशेन, मिचेल मार्श, ग्लेन मॅक्सवेल, मार्कस स्टॉइनिस, डेव्हिड वॉर्नर, अॅडम झाम्पा, मिचेल स्टार्क.
Edited by - Priya Dixit
