श्री गोरक्ष किमयागिरी प्रवाह - भाग १२

३८ सारांश

॥ नारायणू सारे । नरु रूपें आले । करणीनें नरू । नारायणू ॥५२॥

॥ नमेउनच्या तीरी । मच्छिंदत जन्मू । भद्रागिरी वरी । समाधीत ॥५३॥

॥ जालधरू तेथें । जान पीरू होई । गहिनीहि तेथें । गैबी पीरू ॥५४॥

॥ गोरक्षुहि तेथें । रेवणु विटयासी । इतर रहाती । गुप्त वेषें ॥५५॥

॥ वायु आकर्षणु । तोची प्राणायामु । विजयाचा मार्गू । देवांवरी ॥५६॥

॥ देहो कर्दमाचा । गोळा चिखलाचा । सुवर्णू तयाचे । तपस्येनें ॥५७॥

॥ देहाची कसोटी । मनाची पारखू । हीच ती किमया । मालू-साक्ष ॥५८॥

३९ भूमिका

॥ द्दढा भक्ति, आत्मशक्ति, मंत्री स्थिति, गुरु प्रसादू, ॥

॥ ईश - कृपा, पंच महती, कार्यकर्ता विजयो यांनी ॥५९॥

४० फल - श्रुति

॥ गोरक्षु सर्व किमयागारु, ग्रंथी गोवियेले साचारू ॥

॥ हर्षतील सश्रद्ध नरू, नाथ लीला अद्‌भुत ॥४६०॥

॥ आतां कथीन फले सारी, सार रूपें इथें आली ॥

॥ शत्रूनाश, समंध-बाधा, शत्रुमोहन, भूत, बाधा-शत्रुच्चाटण, ॥

॥ अग्नि-पीडा, दारिद्रयोच्चाटण, कलह - पीडा, कपट, नाशन, ॥

॥ रोग - पीडा, हरती पठणे - “लीलामृते” ॥६१॥

॥ धन, विद्या, विजय, पुत्र, कारामुक्ति, ॥

॥ कलह - शांति, योगसाधन, मोक्षही ॥६२॥

ॐ नमो जी अवधूता । आद्य श्रीमच्छिंद्रनाथा ।

श्रीगुरुंचा प्रसाद होतां । सर्व कार्ये साधती ॥६३॥

नमुनि गोरक्षनाथासी । नित्य लक्षी उपासनेसी ।

आंस त्याची निश्चयेसी । पुरवी श्रीगुरु सर्वदा ॥६४॥

ऐका दोन मंत्रांची महती । अक्षरें अठरा एका असती ।

पहिला जो ‘दिगंबरा’ इत्यादि । दुसरा ‘द्रां’ दत्तायेय नम: ॥६५॥

अठरा अक्षरी मंत्राचा जप बावीस सहस्त्रांचा ।

तर्पण नेम दशांशाचा । द्विशतवीस हवनार्थ ॥६६॥

दुसरा वज्रकवचांतील । अष्टोत्तरशत जो जपील ।

मंत्र कवचाविना निष्फळ । नित्य कवचाचा पाठ करा ॥६७॥

जो भक्त प्रतिदिवशी । वाची या लीलामृतासी ।

धाऊनि त्याच्या कार्यासी । अष्टसिद्धी पळताती ॥६८॥

नित्यनेम ज्याचा आहे । किमयागिरी काव्यप्रवाहे ।

नवनाथ लीलामृत हे । सर्वसिद्धी ओपीतसे ॥६९॥

जो कोणी भक्तश्रेष्ठ । लीलामृती एकनिष्ठ ।

नाथ त्याचे सर्व कष्ट । हरण करिती तात्काळ ॥७०॥

धरुनिं कांहीं कामनेसी । वाचील काव्यप्रवाहासी ।

वर्षपर्यन्त त्या भक्तासी । नाथ आशीर्वाद लाभेल ॥७१॥

गुरुवारा शुभ पाहुनी । आरंभ करावा यामिनी ।

शद्ब कांहीं पडतां कानी । निर्भय चित्ती वाचावें ॥७२॥

पाठाची जवं सिद्धी होई । ध्वनि ‘अलक्ष’ कानी येई ।

शुभाशुभ सांगती स्वप्नी । नाथ वचन ऐकावें ॥७३॥

कार्यासाठीं निघे साधक । नाथां पुष्प वाहूनि एक ।

आमंत्रुनी जाईल देख । कार्य सफल होतसे ॥७४॥

जरी कांही चेटुक करणी । करील कुणी अद्दश्यपणी ।

नाथकृपेनें त्याचीच झणी । पीडा परस्पर टळतसें ॥७५॥

कार्य कैसेही असो महान । दैवतां घाला नाथांची आण ।

आपुली वचनें आठवून । तात्काळ कार्यार्थ जातील ॥७६॥

कानीफ नाथ गोपीचंदनार्थ । तैसी दैवतें भक्तहितार्थ ।

कार्य साधावया समर्थ । वचनी नाथें गुंतविली ॥७७॥

या ग्रंथाचे पठण सर्वदा । करील त्याच्या सर्व आपदा ।

जाऊनि, त्या मिळती संपदा । अनुभवें सत्य कळेल ॥७८॥

समाप्त