Bada Mangal 2025 बडा मंगल किंवा मोठा मंगल म्हणजे काय? मारुतीची कशा प्रकारे पूजा केली जाते? महत्त्व जाणून घ्या

हनुमानजींची मूर्ती किंवा चित्र स्वच्छ जागी ठेवावे. मूर्तीला गंध, फुले, आणि हार अर्पण करावे.

तुपाचा किंवा तिळाच्या तेलाचा दिवा लावावा आणि धूप प्रज्वलित करावा.

हनुमानजींना बेसनाचे लाडू, केळी, आणि इतर सात्विक पदार्थांचा नैवेद्य अर्पण करावा.

हनुमान चालीसा, सुंदरकांड, बजरंग बाण, आणि “ॐ हं हनुमते नमः” या मंत्राचा जप करावा. 108 वेळा मंत्रजप करणे शुभ मानले जाते.

पूजा संपल्यानंतर हनुमानजींची आरती करावी.

पूजेनंतर प्रसाद सर्वांना वाटावा आणि शक्य असल्यास भंडारा आयोजित करावा.

बडा मंगलचे महत्त्व

बडा मंगल हा हनुमानजींच्या भक्ती आणि शक्तीला समर्पित आहे. असे मानले जाते की या दिवशी हनुमान पूजा केल्याने भक्तांच्या सर्व मनोकामना पूर्ण होतात. हनुमानजींना संकटमोचन म्हणून पूजले जाते. बडा मंगलच्या पूजेने जीवनातील अडचणी आणि संकटे दूर होतात, अशी श्रद्धा आहे.

बडा मंगल हा उत्तर भारतात हनुमान भक्तांसाठी अतिशय महत्त्वाचा सण आहे. महाराष्ट्रात याला तितके प्राधान्य नसले तरी हनुमान भक्ती सर्वत्र पाहायला मिळते. या दिवशी हनुमान पूजा, उपवास, आणि दान करणे शुभ मानले जाते. जर तुम्ही बडा मंगल साजरा करू इच्छित असाल, तर वरील पूजा विधी आणि प्रथा अवलंबून हनुमानजींची कृपा प्राप्त करू शकता.