प्रसिद्ध अभिनेते आर. जे. मिट्टे यांचे वयाच्या ३४ व्या वर्षी निधन

हॉलिवूड आणि टीव्ही इंडस्ट्रीमधून एक धक्कादायक बातमी समोर आली आहे. प्रसिद्ध अमेरिकन अभिनेते आर. जे. मिट्टे यांचे वयाच्या ३४ व्या वर्षी निधन झाले आहे. १२ ऑक्टोबर रोजी टेक्सासमध्ये त्यांना मृत घोषित करण्यात आले. ही बातमी पसरताच, सोशल मीडियावर शोककळा पसरली आणि त्यांचे चाहते व कुटुंबीय शोकसागरात बुडाले.

आर. जे. मिट्टे यांनी आपल्या आयुष्यात अनेक आव्हानांचा सामना केला, तरीही त्यांनी कधीही हार मानली नाही. त्यांच्या जन्मानंतर काही आठवड्यांनी रॉय फ्रँक मिट्टे ज्युनियर आणि डायना मिट्टे यांनी त्यांना दत्तक घेतले होते. तो अवघ्या दोन महिन्यांचा असताना त्याचे आई-वडील विभक्त झाले आणि त्याचे पालनपोषण त्याच्या आईने केले. तो फक्त तीन वर्षांचा असताना, त्याला सेरेब्रल पाल्सीचे निदान झाले. त्याचे पाय सरळ करण्याच्या प्रयत्नात सहा महिने प्लास्टरमध्ये ठेवले होते आणि त्याला संपूर्ण बालपणात लेग ब्रेस आणि कुबड्यांवर अवलंबून राहावे लागले.

त्याने सेरेब्रल पाल्सीसोबत जगण्याच्या आपल्या अनुभवांबद्दल मनमोकळेपणाने सांगितले. आरजे मिटे म्हणाला, "सेरेब्रल पाल्सी असलेल्या लोकांना दररोज आव्हानांचा सामना करावा लागतो. माझ्या अपंगत्वातून मी एक गोष्ट शिकलो आहे की, जेव्हा तुमच्या मार्गात एखादा अडथळा येतो, तेव्हा तुम्ही परिस्थितीशी जुळवून घेऊन पुढे जाता. तुम्ही त्या अडथळ्यामुळे खचून जाऊ शकत नाही आणि निराश होऊ शकत नाही."

आरजे मिट्टे यांना 'ब्रेकिंग बॅड' या कल्ट-क्लासिक टीव्ही शोमधील वॉल्टर व्हाईट ज्युनियरच्या भूमिकेमुळे ओळख मिळाली. त्यांनी 'एव्हरीबडी हेट्स क्रिस', 'हॅना मॉन्टाना', 'वेगास', 'स्विच्ड अॅट बर्थ' आणि 'द गार्डियन्स ऑफ जस्टिस' यांसारख्या अनेक मोठ्या प्रकल्पांमध्येही काम केले. 'डिक्सीलँड', 'द रिकॉल' , 'ट्रायम्फ' आणि 'द अनसीन'  यांसारख्या चित्रपटांमधील त्यांच्या अभिनयानेही त्यांनी प्रेक्षकांची मने जिंकली. अभिनयाव्यतिरिक्त, ते समाजकार्यातही सक्रियपणे सहभागी होते.