अमेरिकेच्या किनारपट्टीजवळ वैद्यकीय विमान कोसळले, विमानातील सर्वजण बेपत्ता

अमेरिकेतील नॅन्टकेटच्या किनारपट्टीजवळ बेपत्ता झालेल्या वैद्यकीय विमानाचा ढिगारा सापडला आहे. अमेरिकेच्या तटरक्षक दलाच्या माहितीनुसार, बर्म्युडा ते बोस्टन या प्रवासादरम्यान हे विमान सहा जणांसह बेपत्ता झाले. सध्या शोध आणि बचाव कार्य सुरू आहे.

अमेरिकेच्या तटरक्षक दलाच्या माहितीनुसार, फेडरल एव्हिएशन ॲडमिनिस्ट्रेशनने संघीय अधिकाऱ्यांना कळवले की गल्फस्ट्रीम जी१०० या विमानाशी संपर्क तुटला आहे. हे विमान लॅटिट्यूड एअर ॲम्ब्युलन्स या कॅनेडियन हवाई-वैद्यकीय वाहतूक सेवा कंपनीद्वारे चालवले जात होते. अमेरिकेच्या तटरक्षक दलाने सांगितले, "शनिवारी बेपत्ता झालेल्या वैद्यकीय वाहतूक विमानातील सहा जणांचा शोध अमेरिकेचे तटरक्षक दल सुरूच ठेवत आहे. शोध पथकांना नॅन्टकेटच्या किनाऱ्याजवळ विमानाचाच एक अवशेष सापडला असून, तो त्याच विमानाचा असल्याचे निश्चित झाले आहे." अधिकाऱ्यांनी पुष्टी केली की, प्रवाशांमध्ये चार कॅनेडियन आणि दोन बर्मुडाच्या नागरिकांचा समावेश होता. पथके विमानातील सहा जणांचा शोध सुरूच ठेवत आहे आणि तटरक्षक दलाचे जहाज 'विल्यम स्पार्लिंग' रात्रभर शोधकार्य सुरू ठेवेल."
<>