अमेरिकेत भीषण अपघात : हेलिकॉप्टरमध्ये असलेल्या सैनिकांसह 67 जणांचा मृत्यू

मिळालेल्या माहितीनुसार वॉशिंग्टन डीसीच्या बाहेर रेगन नॅशनल एअरपोर्टजवळ अमेरिकन एअरलाइन्सचे विमान आणि यूएस आर्मी ब्लॅक हॉक हेलिकॉप्टर यांच्यात झालेल्या अपघातात सर्व 64 प्रवाशांचा मृत्यू झाला आहे. डीसी फायर आणि ईएमएस प्रमुख जॉन डोनेली म्हणाले की कोणीही वाचलेले नाही. यापूर्वी, कायदा अंमलबजावणी सूत्रांनी असेही म्हटले होते की नदीतून कोणीही वाचले नाही. अमेरिकन एअरलाइन्सचे फ्लाइट 5342  हे विचिटा, कॅन्सस येथून ६० प्रवासी आणि चार क्रू मेंबर्ससह निघाले. विमान विमानतळाजवळ येत असताना, ते प्रशिक्षण मोहिमेवर असलेल्या ब्लॅक हॉक हेलिकॉप्टरशी धडकले. हेलिकॉप्टरमधील तीन सैनिकांचा मृत्यू झाल्याचीही पुष्टी झाली आहे.

अपघात कसा झाला?

मिळालेल्या माहितीनुसार रेगन वॉशिंग्टन राष्ट्रीय विमानतळावर उतरताना एका प्रवासी विमानाची हेलिकॉप्टरशी टक्कर झाल्याने हा अपघात झाला. तसेच या अपघाताची चौकशी सुरू आहे. सध्या वॉशिंग्टनजवळील विमानतळावरून विमानांचे टेकऑफ आणि लँडिंग थांबवण्यात आले आहे. अमेरिकेचे उपाध्यक्ष जेडी व्हान्स यांनी या अपघाताबद्दल ट्विट केले. "आज संध्याकाळी रेगन विमानतळाजवळ झालेल्या विमान अपघातात सहभागी असलेल्यांसाठी कृपया प्रार्थना करा," व्हान्स म्हणाले. "आम्ही परिस्थितीवर लक्ष ठेवून आहोत, पण सध्या तरी, चांगल्याची आशा करूया."

Edited By- Dhanashri Naik