वाढदिवशी स्विमिंग पूलमध्ये बुडून चिमुकलीचा मृत्यू; कुटुंबासह वाढदिवस साजरा करण्यासाठी रिसॉर्टमध्ये आली होती
Tamil Nadu News: एका छोट्याशा निष्काळजीपणामुळे, एका 6 वर्षांच्या मुलीचा वाढदिवस साजरा करण्यापूर्वीच मृत्यू झाला. ही धक्कादायक घटना तामिळनाडूतील मरक्कनम जवळील एका रिसॉर्टमध्ये घडली, जिथे एका 6 वर्षांच्या मुलीचा वाढदिवस साजरा करताना स्विमिंग पूलमध्ये बुडून मृत्यू झाला. पोलिसांनी गुरुवारी ही माहिती दिली.
मिळालेल्या माहितीनुसार पोलिसांनी सांगितले की, मुलगी तिच्या पालकांसह आणि 10वर्षांच्या भावासोबत रिसॉर्टच्या स्विमिंग पूलमध्ये खेळत होती. नंतर, मुलीची आई तिला खोलीत घेऊन गेली, पण मुलगी पुन्हा आली आणि घसरून 'स्वीमिंग पूल'मध्ये पडली. पोलिसांनी सांगितले की, स्विमिंग पूलजवळ उपस्थित असलेल्या सुरक्षा रक्षकाने मुलीला वाचवले आणि तिला पुद्दुचेरी सीमेजवळील गणपती चेट्टीकुलम येथील एका खाजगी रुग्णालयात नेण्यात आले, जिथे डॉक्टरांनी तिला मृत घोषित केले. पोलिसांनी दिलेल्या माहितीनुसार, कोट्टाकुप्पम पोलिसांनी गुन्हा दाखल केला आहे.
Edited By- Dhanashri Naik
