Daily Horoscope
✕

महाराणी एलिझाबेथ द्वितीय यांचा अंत्यविधी ऐतिहासिक का मानला जाईल?

Updated: सोमवार, 19 सप्टेंबर 2022 (09:01 IST)
 
एका वरीष्ठ अधिकाऱ्यांनी मला सांगितलं, "प्रत्येकाला महाराणींच्या अंत्यविधीत सहभागी व्हायचं आहे. कारण त्यांना ते आपल्या कुटुंबील एक सदस्य मानतात. त्यामुळे हा एक कौटुंबिक अंत्यविधी कार्यक्रम आहे, अशी भावना त्यांच्या मनात आहे."
 
"हा एक ऐतिहासिक अंत्यविधी कार्यक्रम असेल. याठिकाणी सर्वांना कार्यक्रम पाहायचा तर आहेच, पण त्यासोबतच लोकांनी आपल्याला याठिकाणी पाहावं, असंही त्यांना वाटत असणार. एखादा नेता याठिकाणी काही कारणामुळे आला नाही, तर त्याने लोकांचं लक्ष वेधून घेण्याची संधी गमावली, असंही म्हटलं जाईल," असंही एका अधिकाऱ्याने म्हटलं.
 
एखाद्या शिखर परिषदेत राजघराण्यातील मान्यवर सहभागी होणार असतील, तर त्याचा होणारा परिणाम मी सातत्याने पाहत आलो आहे. राणीसोबत फोटो काढण्यासाठी नेत्यांची गर्दी जमायची. कधी कधी तर चेंगराचेंगरीसदृश परिस्थिती निर्माण व्हायची.
 
महाराणीच्या निकटवर्तीयांमध्ये आपली वर्णी लागावी, यासाठी एकमेकांना अक्षरशः कोपराने ढकलून बाजूला सारणाऱ्या जगभरातील अनेक पंतप्रधानांनाही मी पाहिलं आहे. अंत्यविधी कार्यक्रमाला उपस्थिती लावण्याच्या निमित्ताने एकमेकांना जवळून पाहण्याची संधीही जागतिक नेत्यांना आहे.
 
कोणता नेता कशा प्रकारे पोशाख करतो किंवा कोणत्या नेत्याचं विमान जास्त आकर्षक आहे, याचीही चर्चा या निमित्ताने होईल. सोमवारी सकाळी, अंत्यविधीत कार्यक्रमात सहभागी होण्यासाठी आलेल्या सर्व नेत्यांना एका बसमधून वेस्टमिन्स्टरला नेण्यात येईल.
 
राजकारणातील नेतेमंडळी नेहमी नातेसंबंध जोडण्याच्या संधी शोधत असतात. प्रसंग कोणताही असो एकमेकांच्या जवळ येण्याच्या प्रयत्नात ते असतात. त्यांसाठी हा अंत्यविधी कार्यक्रम महत्त्वाचा ठरेल. कार्यक्रमासाठी तयार करण्यात आलेली पाहुण्यांची यादी हासुद्धा चर्चेचा विषय आहे.
 
2022 या वर्षांत सत्तेत असलेल्या नेत्यांना यामध्ये बोलावण्यात आलं आहे. पण काही देशांना या यादीतून वगळण्यातही आलं आहे. उदा. युक्रेन युद्धामुळे रशिया आणि बेलारुस या देशांना अंत्यविधी कार्यक्रमासाठी आमंत्रित करण्यात आलं नाही.
 
याव्यतिरिक्त सीरिया, म्यानमार, अफगाणिस्तान, व्हेनेझुएला या देशांनाही यादीतून वगळण्यात आलं. तर काही देशांच्या प्रमुख नेत्यांना नव्हे तर केवळ राजदूतांना आमंत्रित करण्यात आलं - उदा. उत्तर कोरिया.
 
चीनच्या नेत्यांना आमंत्रित केलं जाणार नाही, असं काही खासदारांचं म्हणणं असलं तरी कदाचित त्यांना अंत्यविधीचं आमंत्रण दिलं जाऊ शकतं, असं सांगितलं जातं.
 
याशिवाय, अंत्यविधी कार्यक्रमातील बैठकव्यवस्था कशी आहे, हे पाहणंसुद्धा महत्त्वाचं ठरणार आहे. या माध्यमातून अनेक संकेत दिले जातील.
 
एका अधिकाऱ्याच्या मते, अंत्यविधी कार्यक्रमात राजनयिक चर्चा करण्यासाठी नेत्यांना संधी मिळणार नाही. कारण हा कार्यक्रम महाराणींना श्रद्धांजली वाहण्यासाठीचा आहे. त्यामुळे राजकारणाशी संबंधित गोष्टी ते इथे करू शकणार नाहीत.
 
महाराणी एलिझाबेथ यांचं साम्राज्य आणि त्यांच्याभोवती असलेलं वलय हे अद्वितीय होतं. त्यांच्या निधनानंतर नक्कीच एक पर्व संपलं आहे. पण हे पर्व संपत असताना त्यांच्या अंत्यविधी कार्यक्रमातूनही त्यांचं सामर्थ्य पुन्हा एकदा जाणवेल. महाराणी एलिझाबेथ यांचा अंत्यविधी कार्यक्रम ऐतिहासिक ठरेल, यात शंका नाही.

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

LIVE: दादर स्टेशनचे नाव बदलून चैत्यभूमी करण्याची प्रक्रिया आगामी विधानसभा अधिवेशनात पूर्ण होणार

शायना एनसीकडून चुकून बाळासाहेब ठाकरे यांचा फोटो फाडला गेला! व्हिडिओ व्हायरल नंतर आता त्यांनी स्पष्टीकरण दिले

पाचव्या एकदिवसीय सामन्यातील चुकीबद्दल आयसीसीने भारतीय संघावर मोठा दंड आकारला

महाराष्ट्र सरकारने "महाराष्ट्र वेतन नियम २०२६" लागू केले; आता ८ तासांपेक्षा जास्त काम केल्यास ओव्हरटाईम मिळेल

दादर रेल्वे स्टेशनचे नाव बदलून चैत्यभूमी ठेवण्याची तयारी सुरू; मुख्यमंत्री फडणवीस यांनी सांगितले....

पुढील लेख
Show comments