कोलकत्ताची बॅंगलोरवर जबरदस्त मात

 सलामीवीर रहमानउल्ला गुरबाज (57) नंतर मधल्या फळीतील रिंकू सिंग (46) आणि शार्दुल ठाकूर (68) यांनी तुफानी फलंदाजीचे प्रदर्शन करत कोलकाताची धावसंख्या 200 धावांच्या पुढे नेत आव्हानवीरांसमोर तगडे आव्हान उभे केले. शार्दुलने अवघ्या 29 चेंडूंत नऊ चौकार आणि तीन षटकारांसह अर्धशतक झळकावले, तर दुसऱ्या टोकाला रिंकूने त्याची पूर्ण साथ देत 33 चेंडूंत दोन चौकार आणि तीन षटकार ठोकले. तत्पूर्वी, गुरबाजने सहा चौकार आणि तीन षटकारांसह धडाकेबाज सुरुवात करून बंगळुरूच्या गोलंदाजांना आश्चर्याचा धक्का दिला. कोलकाताकडून डेव्हिड विली आणि करण शर्माने प्रत्येकी दोन बळी घेतले.

विजयासाठी 205 धावांच्या आव्हानाचा पाठलाग करताना चॅलेंजर्सला पहिला धक्का विराट कोहलीच्या (21) रूपाने डावाच्या पाचव्या षटकात सुनील नरेनच्या गोलंदाजीवर बसला. त्यावेळी संघाची धावसंख्या 44 धावा होती. पुढच्याच षटकात फाफ डू प्लेसिस (23) लेगस्पिनर वरुण चक्रवर्तीचा बळी ठरला. दोन्ही सलामीवीर बाद झाल्यानंतर मधली फळी ढासळली आणि एकापाठोपाठ विकेट पडू लागल्या. बेंगळुरूचे सहा फलंदाज आपली वैयक्तिक धावसंख्या दुहेरी अंकात नेण्यात अपयशी ठरले, परिणामी संघाचा लाजिरवाणा पराभव झाला.