या सहा अ‍ॅप्सवरून 200 देशांतील युजर्सचा डेटा लीक

भारतासह जगभरातील 200 देशांतील व्हॉट्‌सअ‍ॅप, फेसबुक आणि स्नॅपचॅट युजर्सचा डेटा स्पायवेअरच्या माध्यमातून लीक करणे सुरू होते. गुगल प्ले स्टोअरमधील सहा अ‍ॅप्सच्या माध्यमातून हा लीकचा प्रकार सुरू होता. हे सहा अ‍ॅप्स अँड्रॉयड युजर्सनी आतापर्यंत 1 लाखांहून अधिक डाउनलोड केले आहेत. DROIDSMOBSTSPY 

असं या स्पायवेअरचे नाव आहे. हा स्पायवेअर Flappy firr, Flappy Birr Dog, Flashlight, HZPermis Pro rabe, Win 7Simulator आणि Winlauncher  या सहा अ‍ॅप्सच्या माध्यमातून डेटा लीक करीत होता. 

एखाद्या युजर्सने या स्पायवेअरच्या अ‍ॅपला डाउनलोड केले तर हा स्पायवेअर त्या डिव्हाइसच्या इंटरनेट कनेक्शनला हॅक करून आपल्या कमांड आणि कंट्रोल सर्व्हरला जोडण्याचे काम करीत होता. कनेक्शन झाल्यानंतर डिव्हाईसची सर्व माहिती सहजपणे हॅक केली जात होती, असे एका संशोधनातून समोर आले आहे. स्पायवेअरच्या माध्यमातून हॅकर्स हे कॉल डिटेल्स, कॉन्टॅक्ट्‌स, पर्सनल मेसेज, ऑडिओ-व्हिडिओ फाइल आणि फोटो हॅक करीत होता. तसेच व्हॉट्‌सअ‍ॅप, स्नॅपचॅट आणि फेसबुकचा डेटाही हॅक केला जात होता, असे संशोधकांनी अधिक तपास केल्यानंतर उघड झाले आहे. गुगलला या स्पायवेअर संदर्भात माहिती मिळताच गुगलने आपल्या प्लेस्टोअरमधील सहा अ‍ॅप्स हटवले आहे. दरम्यान, 1 लाख युजर्सने हे अ‍ॅप्स डाउनलोड आणि इन्स्टॉल केले होते. त्या युजर्सचा डेटा चोरी झाला आहे की नाही किंवा सुरक्षित आहे की नाही, यासंदर्भात गुगलने काहीही सांगितले नाही.