नवरदेवासोबत हेलिकॉप्टरमधून उतरले खासदार कोल्हे

येथील राष्ट्रवादी काँग्रेसचे तालुकाध्यक्ष दिलीप वाल्हेकर यांचे चिरंजीव कार्तिक यांचा साखरपुड्याचा कार्यक्रम मोजक्याच पाहुण्यांच्या उपस्थितीत व कोरोना नियमांचे पालन करत  साध्या पद्धतीने पार पडला.यावेळी वधूच्या घरासमोरील अंगणात वऱ्हाड येण्यापूर्वीच हवेली (जि. पुणे) येथील वराचे हेलिकॉप्टर आले.

त्यातून उतरलेल्या वराबरोबर होते खासदार डॉ. अमोल कोल्हे.आणि मग काय खासदार कोल्हे यांना पाहण्यासाठी नागरिकांनी एकच धावपळ केल्याचे दिसून आले.दरम्यान कोरोना निर्बंधांमुळे कुटुंबातील सदस्यांसह १० ते १५ राजकीय व्यक्ती उपस्थित होत्या.हेलिकॉप्टरने आगमन वगळता संपूर्ण कार्यक्रम साध्या पद्धतीने पार पडला, असे मुळा कारखान्याचे उपाध्यक्ष भाऊसाहेब मोटे यांनी सांगितले.