युतीच्या जागा वाटप नाहीत मात्र या इच्छुक उमेदवाराने सुरु केला प्रचार

शिवसेना नेते भाऊसाहेब आंधळकर यांनी पोलीस दलातून निवृत्त झाल्यानंतर दहा वर्षांपूर्वी शिवसेनेत प्रवेश केला. शिवसेना बार्शीच्या तळागाळात रुजविण्याचे काम आंधळकर यांनी केले होता, या निवडणुकीत त्यांना उमेदवारी जाहीर होईल अशी शक्यता होती, राष्ठ्रवादीच्या दिलीप सोपलांनी थेट मातोश्रीवर जाऊन शिवसेनेत प्रवेश केला आणि शिवबंधन बांधून घेतलं. सोपलांच्या राष्ट्रवादी सोडल्याने बार्शीत राष्ट्रवादीला मोठा धक्का बसला, त्यामुळे  शिवसेनेतही अंतर्गत वाद उफाळून आला. त्या ठिकाणी बंडाची भाषा करण्यात आली. यासर्वांमध्ये भाऊसाहेब आंधळकर हे आघाडीवर होते. मात्र, त्याच आंधळकरांनी आता थेट दिलीप सोपलांच्या मागे राहू, असं सांगत प्रचाराचा नारळ फोडण्याचा आग्रह केला आणि सोपलांनी तो पूर्णही केला आहे. मात्र अजूनही शिवसेना आणि भाजपाच्या जागा वाटप झाल्या नाहीत त्यामुळे उमेदवारी कोणाला मिळणार हे नक्की नाही, मात्र उमेदवारी न मिळताच प्रचार करणे हा चर्चेचा विषय झाला आहे.