350 रुपयांत घरीच मिळणार ड्रायव्हिंग लायसन्स

असा दाखल करा अर्ज

केंद्र सरकारकडून सुरू करण्यात आलेल्या या योजनेनुसार चालकाला आपल्या घरीच बसून लायसन्स काढता येणार आहे. आपल्या लायसन्ससाठी शहरातील आरटीओ ऑफिसमध्ये ऑनलाइन अर्ज दाखल करा. हे करण्यासाठी आपणास पहिल्यांदा https://parivahan.gov.in/ या साईटवर लॉग इन करावे लागेल. यानंतर या साईटवर गेल्यानंतर आपल्याला ड्रायव्हिंग लायसन्स विभागाला क्लिक करावे लागेल. तर नंतर सर्व प्रक्रियानुसार आपल्याला हा अर्ज भरता येणार आहे.  

ड्रायव्हिंग लायसन्स काढण्यासाठी दलालाकडून मनमानी रक्कम आकारली जाते. लायसन्स लवकरात लवकर मिळण्यासाठी आपण देखील ही रक्कम देऊन टाकतो. मात्र या योजनेमुळे आपणास केवळ 350 रुपये शुल्क मोजावे लागणार आहे. हे शुल्क ऑनलाइन भरल्यानंतर आपल्या मोबाइलवर एक संदेश (मेसेज) येईल. यामध्ये आपल्याला ड्रायव्हिंग टेस्ट देण्याची तारीख, ठिकाण, आणि वेळ देखील समजेल. या सर्व प्रक्रियानंतर 15 दिवसात आपल्या पत्त्यावर हे ड्रायव्हिंग लायसन्स मिळेल.