Honda Activa e: 102 किमी रेंज, बॅटरी-स्वॅपिंग तंत्रज्ञान आणि स्मार्ट फीचर्ससह लॉन्च

होंडा ॲक्टिव्हा ई मध्ये परमनंट मॅग्नेट सिंक्रोनस मोटर (PMSM) आहे, जी 8.04 एचपी पॉवर आणि 22 एनएम टॉर्क निर्माण करते. या स्कूटरमध्ये प्रत्येकी 1.5 किलोवॅट-तास क्षमतेचे दोन बदलता येणारे लिथियम-आयन बॅटरी पॅक आहेत. भारतीय बाजारपेठेत, ही स्कूटर अथर रिझता, बजाज चेतक, टीव्हीएस आयक्यूब आणि हीरो विडा व्ही2 यांसारख्या इलेक्ट्रिक स्कूटर्सशी स्पर्धा करेल. नवीन ॲक्टिव्हा ई सह, होंडाने आपल्या सर्वात लोकप्रिय ब्रँडला इलेक्ट्रिक युगासाठी नव्याने सादर केले आहे. कंपनीच्या मते, ही स्कूटर 102 किलोमीटरची आयडीसी प्रमाणित रेंज देते.

या इलेक्ट्रिक स्कूटरचा कमाल वेग ८० किमी/तास आहे आणि ती केवळ7.3 सेकंदात 0 ते 60 किमी/तास वेग पकडते. उत्तम रायडिंग अनुभवासाठी, यात इकॉन, स्टँडर्ड आणि स्पोर्ट असे तीन रायडिंग मोड्स आहेत. रिव्हर्स मोडदेखील उपलब्ध आहे, ज्यामुळे गर्दीच्या शहरी भागांमध्ये स्कूटर पार्क करणे आणि रिव्हर्स घेणे सोपे होते.

डिझाइनच्या बाबतीत, होंडा ॲक्टिव्हा ई मध्ये एलईडी हेडलाइट, एलईडी डीआरएल, एलईडी इंडिकेटर्स, एलईडी टेललाइट, डायमंड-कट अलॉय व्हील्स आणि बॉडी-कलर्ड मिरर्स आहेत. ही स्कूटर पर्ल सेरेनिटी ब्लू, पर्ल इग्नियस ब्लॅक आणि मॅट फॉगी सिल्व्हर मेटॅलिक या पाच आकर्षक रंगांमध्ये उपलब्ध आहे.

वैशिष्ट्यांमध्ये 7-इंचाचा टीएफटी डिस्प्ले, स्मार्ट की, यूएसबी टाइप-सी चार्जिंग पोर्ट आणि होंडा रोडसिंक ड्युओ कनेक्टिव्हिटी सूट यांचा समावेश आहे, ज्यात टर्न-बाय-टर्न नॅव्हिगेशन, लाइव्ह व्हेईकल ट्रॅकिंग, कॉल अलर्ट्स आणि म्युझिक कंट्रोल यांसारखी स्मार्ट वैशिष्ट्ये मिळतात. होंडा ॲक्टिव्हा ई ची किंमत ₹1.20 लाख (एक्स-शोरूम) आहे

Edited By - Priya Dixit