मुकेश अंबानींनी केली छोट्या भावाला मदत

अनिल अंबानी यांची आरकॉम सध्या तोट्यात आहे. त्यातच स्वीडनच्या एरिक्सन या कंपनीने पैसे न दिल्यामुळे आरकॉमविरोधात सुप्रीम कोर्टात धाव घेतली होती. सुप्रीम कोर्टाने पैसे देण्यासाठी कालावधी ठरवून दिला होता. अखेर या तारखेच्या आतच अनिल अंबानी यांनी मोठ्या भावाच्या मदतीने एरिक्सनला 462 कोटी रुपये दिले. या कठीण प्रसंगात साथ दिल्याबद्दल अनिल अंबानी यांचे मोठ्या भावाचे आभार मानले आहेत.

फेब्रुवारीमध्ये अनिल अंबानी हे सुप्रीम कोर्टाचा अवमान केल्याप्रकरणी दोषी आढळले होते. एरिक्सनला पैसे देण्याचा आदेश त्यांनी पाळला नव्हता. यानंतर कोर्टाने चार आठवड्यांची मुदत देत, पैसे द्या किंवा तीन महिने तुरुंगात जा, असा आदेश दिला होता. या मुदतीपूर्वीच अनिल अंबानी यांनी एरिक्सनला पैसे दिले.