श्रीलंका कसोटी मालिकेसाठी सर्फराज खानची टीम इंडियात एन्ट्री

श्रीलंकेविरुद्धच्या दोन सामन्यांच्या कसोटी मालिकेपूर्वी साई सुदर्शन दुखापतीमुळे संघाबाहेर गेल्याने भारतीय क्रिकेट संघाला मोठा धक्का बसला होता. आता त्याच्या जागी सरफराज खान संघात परतला आहे. हा २८ वर्षीय फलंदाज जवळपास दोन वर्षांनंतर भारतीय कसोटी संघात परतला आहे. सरफराजने आतापर्यंत भारतासाठी सहा कसोटी सामने खेळले असून, ३७.१० च्या सरासरीने ३७१ धावा केल्या आहे. त्याने आपल्या कसोटी कारकिर्दीची सुरुवात शानदार केली होती, परंतु सातत्यपूर्ण संधींच्या अभावामुळे तो हळूहळू संघाबाहेर गेला.

सरफराजने नोव्हेंबर २०२४ मध्ये न्यूझीलंडविरुद्धच्या घरच्या मालिकेत भारतासाठी आपला शेवटचा कसोटी सामना खेळला.

त्यानंतर सरफराजचा २०२४-२५ च्या बॉर्डर-गावस्कर ट्रॉफीसाठी भारताच्या १८ सदस्यीय संघात समावेश करण्यात आला, पण पाच सामन्यांच्या मालिकेत तो एकही कसोटी खेळला नाही. ऑस्ट्रेलियाने ही मालिका ३-१ ने जिंकली. ऑस्ट्रेलिया दौऱ्यानंतर सरफराजने संघातील आपले स्थान गमावले आणि बराच काळ त्याच्याकडे दुर्लक्ष केले गेले. आता, साई सुदर्शनच्या दुखापतीमुळे त्याच्यासाठी भारतीय कसोटी संघात पुन्हा एकदा संधीचे दरवाजे उघडले आहे.

तसेच भारत आणि श्रीलंका यांच्यातील दोन कसोटी सामन्यांची मालिका १५ ऑगस्ट रोजी गॉल येथे सुरू होत आहे. हा दौरा सरफराजसाठी भारतीय कसोटी संघात आपले स्थान पुन्हा प्रस्थापित करण्याची एक मोठी संधी ठरू शकतो.

Edited By- Dhanashri Naik