स्वामी विवेकानंदांचे युवकांसाठी संदेश

* बल हेच चिरंतन व शाश्वत जीवन आहे.

* ऐहिक व आध्यात्मिक क्षेत्रात भय हेच अध:पतनाचे कारण आहे. म्हणूनच निर्भय व्हा समर्थ व्हा.

* स्वत:वर श्रध्दा ठेवा, श्रध्देमध्ये अद्भुत सामर्थ्य आहे.

* स्वत:ला दुर्बल मुळीच समजू नका, तुम्ही जसा विचार कराल तसेच बनाल.

* दुर्बलता म्हणजे निष्प्राणता, निर्जीवता.

* विश्वास किंवा श्रध्दा हा धर्माचा पाया आहे.

* युवकांनो, तुम्ही अमृताचे पुत्र आहात, राष्ट्राला युवाचेतनेची आवश्यकता आहे.

* हे वीर युवकांनो उठा, स्वत:चे भवितव्य ठरविण्याचा हाच क्षण आहे.

* जोवर तुम्ही थकलेले नाहीत तोवर निश्चय करा.

* श्रेष्ठ आदर्श डोळ्यासमोर ठेवा, आदर्शासाठी सर्वस्व समर्पण करा.

* मनाचे पावित्र्य आणि निष्कपटपणा कायम ठेवा.

* कोणत्याही योजना उत्कट भावनेने वा उदात्त विचारांनी साकार होत नाहीत.

* बळकट हातांची एकत्र गुंफण म्हणजेच संघटन.

* संघटनेशिवाय कोणतेही श्रेष्ठ व चिरस्थायी कार्य होत नाही.